ترکیه ده یوکسک عسکری شورانینگ جلسه سی باشله دی

ترکیه ده یوکسک عسکری شورانینگ جلسه سی باشله دی

یوکسک عسکری شورا نینگ ییغینی ترکیه باش وزیری بن علی ییلدیریم نینگ باشقرووچیلیگیده چانقایا قصریده باشله دی.

شورانینگ اعضالری بو مهم جلسه دن آلدین مصطفی کمال آتاترک نینگ قبرینی باریب زیارت قیلدیلر.

باش وزیر بن علی ییلدیریم قبرگه گل قوییب، احترام توختاوی عملگه آشیردی. عین دمده شورا آتیدن آنیت قبرنینگ خاص کتابچه سیگه یادنامه یازیب امضا قیلدی. کتابچه ده ترکیه نینگ 15 نچی جولای کونی قورتولیش مجادله سیدن موفقیت لیک بیلن چیققن لیگینی یازدی. ییلدیریم ملتیمیز و اولکه میزنینگ بولینمس بیرلیگی نی آماج قرار بیرگن تروریست گروه لرینی برطرف ایترلیگیمیز حتمی دیر" دیب افاده ایتدی.

مذکور شورا آرتیدن چانقایا قصریگه جونب کیتدی.

اوشبو جلسه نینگ اساسی موضوع سی عموماً ترکیه قوراللی کوچلری اعضالری نینگ ترفیع مسأله سی ایکن، بو جلسه ده ایسه فتح الله ترور تشکیلاتی موازی دولت ساختاری (فتو/PDY) نینگ 15 نچی جولای عملگه آشیرگن کودتا تشبثی بحث بولیب اوته دی.

مذکورا شورانینگ جلسه سیگه قوراللی کوچلر قومندانی استر جنرال خلوصی آقر، پیاده کوچلر قومندانی استر جنرال صالح ذکی چولاق و هوائی کوچلر قومندانی استر جنرال عابدین اونال نینگ اوز وظیفه لریگه دوام ایتیش تصمیمی چیقرلیگی کوتیلماقده.

جلسه آلدینگی ییل لرده اوچ کون دوام ایتر ایکن، بو جلسه نینگ بیر کونده اوز نهایه سیگه ییتیب باررلیگی بیلدیریلدی. شوراده آلینه دیگن قرارلرنینگ جمهور رئیس رجب طیب ایردوغان نینگ تأیید ایتیشی بیلن عامه وی جماعت گه اعلان ایتیلیشی کوتیلماقده دیر.