ترکیه بیلن روسیه جمهوررئیس لری اوز ارا اوچره شه دی

ترکیه جمهوریتی جمهوررئیسی رجب طیب اردوغان و روسیه جمهوررئیسی ولادیمیر پوتین, آگست آیی نینگ ۹ نچی کونیده روسیه نینگ سن پترسبورگ شهریده اوز ارا اوچره شه دی.  

ترکیه بیلن روسیه آره سیده گی علاقه لر بوییچه ینگی دور نینگ باشلب کیتیشی آرتیدن بولیب اوته دیگن اوشبو ایلک اوچره شوو حقیده بیانات, اقتصاد وزیری نهاد زیبکچی بیلن روسیه پایتختی مسکوده ایریم اوچره شوولر اوتکزگن ترکیه جمهوریتی باش وزیری نینگ اورینباسری محمد شمشک تامانیدن بیریلدی.  

روسیه باش وزیری نینگ اورینباسری آراکادی وورکوویچ بیلن اوچره شگن شمشک, ایککی اولکه آره سیده گی علاقه لر باره سیده بحث ایتدی.  

ترکیه جمهوریتی جمهوررئیسی رجب طیب اردوغان و روسیه جمهوررئیسی ولادیمیر پوتین نینگ, آگست آیی نینگ ۹ نچی کونیده روسیه نینگ سن پترسبورگ شهریده اوز ارا اوچره شه دیگن لیک لری نی بیلدیرگن شمشک, "مناسبت لری میز نی یخشی لشتیررایکن, اوشبو علاقه لری میز نی نوامبر آیی نینگ ۲۴ نچی کونیدن آلدینگی وضعیتدن هم یخشیراق بیر وضعیت گه کیلیتیریش نی آرزو ایتماقده میز" دییه قید ایتدی. 

نوامبر آیی نینگ ۲۴ نچی کونیده ترک هوا ساحه سی نی اخلال ایتگن روسیه نینگ اوروش طیاره سی ترک جت لری تامانیدن اوریب توشیریلگن ایدی.

نوامبر آییده روسیه اوروش طیاره سی نینگ ترکیه تامانیدن اوریلیب توشیریلیشی آرتیدن بحرانی له شیب کیتگن ایککی اولکه آره سیده گی علاقه لر ترکیه جمهوریتی جمهوررئیسی رجب طیب اردوغان و روسیه دولت رهبری ولادیمیر پوتین نینگ اوز ارا صحبت ایتیش لری و کیین چه لیک ایسه خودی منه شو اولکه لر نینگ تشقی ایش لر وزیرلری نینگ قاره دینگیز اقتصادی همکارلیک ییغیلیشی دایره سیده روسیه نینگ سوچی شهریده اوز ارا اوچره شیش لری آرتیدن عادی له شیب باشله گن ایدی.