ترکیه ده فوق العاده وضعیت اعلان ایتیلدی

ترکیه ده فوق العاده وضعیت اعلان ایتیلدی

ترکیه جمهوریتی جمهور رئیسی رجب طیب اردوغان حکومت نینگ ملی خوفسیزلیک کینگشی نینگ توصیه سیگه بناً ترکیه ده فوق العاده اعلان ایتیلگن لیگینی بیلدیردی.

اردوغان ملی خوفسیزلیک کینگشی و وزیرلر شوراسی ییغیلیشی آرتیدن آلینگن قرارلر توغریسیده معلومات بیردی.

اردوغان اوزی و حکومت نینگ قاطعانه توخته گن لیگی و ملت نینگ قرشی تورگن لیگی باعث، فتح الله تروریست گروهی "فتو" نینگ 15 نچی جولای ده گی کودتا تشبثی نینگ موفق بولمه گن لیگینی معلوم قیلیب، "مین ملتیم بیلن فخرلنه من. بیر کودتا حرکتی ملت نینگ اوزی تامانیدن فراست لی  و زیرک لیک بیلن موفقیت سیزلیک گه اوچره تیلدی. بیراق 246 کیشی معصوم انسان جان بیریب، 1536 کیشی یره لندی. قهرمان خوفسیزلیک کوچلری بیلن فخرلنه من، دیدی.

جمهور رئیسی حکومت تامانیدن اعلان ایتیلگن اضطراری حالت نینگ اساسی مقصدی نینگ دموکراسی نینگ برهم ییمس لیگی برعکس اونی کوچلی قیلیب، تروریزم تهدیدی گه قرشی ییترلی تدبیرلرنی تأمین ایتیش ایکن لیگینی افاده ایتدی.

اولکه مقیاسیده اقتصادی برقرار لیک نینگ دوام ایته دیگن لیگی نی بیلدیریب، ترکیه نینگ درجه سینی قوییگه کیلتیرگن قرض تیکشیرووچی اداره سینی تنقید ایتدی. اردوغان جنابلری سین اوز ایشینگنی بجرگیل بیزنینگ ایشیمیزگه اره لشمه. بولر فرصت طلب دیر. بازارگه ویروس سالگنلرینی کوریب قاله سیز. بیراق ترکیه ده تشویق و ریفورم لر دوام ایته دی، دیدی.

جمهور رئیسی وطنداشلریم مطمئن بولیش لری, دموکراسیدن هیچ قنده ی امتیاز بیریلمس لیگی و عینی دمده قوراللی کوچلری نینگ حکومت بیلن بیرگه لیکده حرکت ایتیب تورگن لیگینی بیلیشلرینی ایسته دی.

جمهور رئیسی اردوغان, "قیغولنمنگ، ترکیه اوشبو بحراننی برطرف قیلدی" دییه قید ایتدی.