ترکیه بویوک ملت مجلسی تامان 4 حزب مشترک اعلامیه ترقتدی

ترکیه بویوک ملت مجلسی تامان 4 حزب مشترک اعلامیه ترقتدی

مجلس رئیسی اسماعیل قهرمان تامان قرائت ایتیلگن اعلامیه نینگ متنی قوییده گیچه:

بیزلر عدالت و توسعه حزبی، ملیتچی حرکت حزبی، جمهوریت خلق حزبی و خلق لرنینگ دموکراتیک حزبی اوله راق عزیز ملتیمیزنینگ اوزیگه، ملی اراده گه، دولتمیزگه و اینیقسه ملت اراده سی نینگ نماینده سی ملت وکیل لری و غاری مجلس گه قره ته 15 نچی جولا کیچه سی عملگه آشیریلگن کوداتا حرکتی 16 نچی جولای کونی ایرته لب نهائی بولگن و مجلس گه قره ته هجوم لرینی محکوم ایته میز.

ملتیمیز کوداتا گه قره ته مجادله قیلیب، خونخوارانه کوداتا حرکتی گه مانع بولگن دیر. ترکیه جمهوریتی و اداره لرینی جان سپرانه محافظه قیلگن عزیز ملتیمیزهر قنده ی مختاو و تقدیرگه سزاواردیر. بو یولده جان بیرگن شهیدلریمیزنی اونوتمه ی میز. ترکیه بویوک ملت مجلسی بو عزیز و قهرمان مجلس نینگ نماینده سی اوله راق ملتیمیز تامان بیریلگن صلاحیت بیلن بمب و اوقلرنینگ آستیده اوز وظیفه سینی ترک ایتمه ی، یینه بیر بار ملتیمیزگه لایق بیر مجلس بولگن لیگینی کورستگن دیر. مجلسمیز بیردم لیک بیلن کوداتاگه قرشی حیثیتلی بیر شکلده توخته گن دیر.

مجلس نینگ کوداتا حرکتی گه قره ته عملگه آشیرگن تصمیمی جوده مهم دیر

مجلس نینگ کوداتاگه قره ته عملگه آشیرگن حرکتی دموکراسی نینگ کوپراق توسعه قیلیشی اوچون انچه اهمیت گه ایگه دیر. بوگون بو حادثه گه قره ته عملگه آشیریلگن حرکت و تصمیم کیله جک ده هم یوز بیره دیگن حادثه لرگه قره ته تکرار بولرلیگی هر بیر کیشی ویا گروه نینگ درک ایتیشی کیره ک. ترکیه بویوک ملت مجلسی ملت نینگ دموکراسی گه بولگن اعتقاد و محبتینی انعکاس بیریب دوام ایته دی. مجلس ده گی برچه سیاسی حزب لرنینگ کوداتا حرکتیگه مشترک تصمیم آلگن لیگی تاریخ گه ایز قالدیره دی. اوشبو مشترک تصمیم ملی اداده و ملتمیزنی داها کوچلی بولیشی گه وسیله بوله دی. مجلس اوز وظیفه سیگه دوام ایتماقده دیر، ملت نینگ مجلسی، ملت و حاکمیت گه قره ته بو هجوم گه قول اورگنلر حقوق چوکاتیده جزاسینی ترته دی. ترکیه ده هیچ بیر نیرسه نینگ ایسکی ده گی کبی بولمس لیگی نینگ اثباتی خودی منه شو اعلامیه دیر. تورت حزب اوله راق مفکوره متفاوت بولسه هم برچه میز ملت وکیل لریمیز بیلن ملی اراده نینگ یانیده تورگن میز. ملی اراده گه بیرگه لیکده صاحب چیقماقده میز و ابدی محافظه قیله میز. ملتیمیز خواطرده بولمه سین.

دموکراتیک عکس العمل اوله راق حدینی آشیب، ملتیمیزگه یره شمه گن شدت نی اوز ایچیگه آلگن حرکت لردن اوزاق بولیشلرینی خلقیمزدن خواهش قیله میز. شهیرلریمیزنی مغفرت و دوعالر بیلن یاد ایته میز. یره لی لرگه عاجل شفا تیلیب قاله میز. ترکیه گه همکارلیک و حمایت پیاملری یوبارگن برچه دوست و قرینداش اولکه لرگه منتدارچیلیک بیلدیره میز

امضالر:   

ترکیه بویوک ملت مجلس رئیسی اسماعیل قهرمان

عدالت و توسعه حزبی بن علی ییلدیریم

 ملیتچی حرکت حزبی دولت باغچه لی

 جمهوریت خلق حزبی کمال قیلیچدار اوغلی

 خلق لرنینگ دموکراتیک حزبی اورین باسری ادریس بالوقان