استانبول قونلغه سیده گی تروریستیک حادثه ده تلفات نینگ سانی آرتیب کیتدی
اوچ ایریم حادثه ده 36 کیشی جان بیردی
استانبول قونلغه سیده گی تروریستیک حادثه ده تلفات نینگ سانی آرتیب کیتدی
قونلغه ده اوچ ایریم خودکش هجوم حادثه سی یوز بیردی، نتیجه ده 36 کیشی اولیب 147 نفر یره لندی. مذکور حادثه تروریست گروهی داعش تامانیدن عملگه آشیریلگن لیگی تخمین ایتیلماقده دیر. تناون آقشم کیچقرون ساعت 10:22 ده قونلغه نینگ تشقی اوچیش بولیمیده خودکش هجومچی اوزینی پارتلتیب یوبارگن. اوشبو انفجارنینگ آرتیدن یوقاری قاتده ایریم بیر تروریست قولیده گی قورال بیلن اطراف گه فیر قیلیب باشله گن و خوفسیزلیک کوچلری بیلن یوز بیرگن توقنه شوو جریانیده اوریلگن. مذکور تروریست یره لنیب ییقیلگندن کیین اوزینی پارتلتیب یوبارگن. حادثه لرنینگ آرتیدن قونلغه نینگ بیرینچی قاتیده اوچونچی تروریست اوزینی پارتلتیب یوبارگن.
تروریستیک حادثه لرنینگ آرتیدن اوچاق پروازلری توخته تیلگن ایکن، کیچقرون ساعت 02:22 ده پروازلر تکرار باشله گن لیگی بیلدیریلدی.
باش وزیر بن علی ییلدیریم معصوم انسانلرنی آماج قرار بیرگن اوشبو تروریستیک حادثه نینگ تروریزم گه قره ته آلیب باریلگن مجادله و قوشنی لر بیلن مناسبت نینگ یخشی بیر شکلده آلغه باره یاتگن پیتده عملگه اشیریلگن لیگی گه دقت ترتدی. ییلدیریم تروریزم نینگ گلوبال مقیاسده گی وضعیتی گه دقت ترتیب، تروریزم گه قره ته مجادله نینگ خلق ارا مقیاسده آلیب باریلیشی کیره ک لیگینی اورغوله دی. ترکیه نینگ اوشبو خائنانه پلانلرنینگ عده سیدن کیلرلیگینی تأکیدلب برچه وطنداشلرنی بیردم لیککه دعوت ایتدی.
علاقه لی ینگی لیکلر
تورکیه جمهور باشلیغی بیلن اسپانیا باش وزیری اوزارا سوزلشوو اوتکزدی
اوشبو سوزلشوونینگ تیلفون آرقه لی بولیب اوتگن لیگی بیلدیریلدی
تورکیه – بیرلشگن عرب امیرلیکلری قوراللی کوچلری قومندانلری اوزارا اوچره شوو اوتکزدی
اوشبو اوچره شوونینگ پایتخت انقره ده بولیب اوتگن لیگی بیلدیریلدی