استانبول قونلغه سیده گی حادثه دنیا مقیاسیده محکوم ایتیلدی

استانبول قونلغه سیده گی حادثه دنیا مقیاسیده محکوم ایتیلدی

تناون کیچقرون استانبول آتاترک قونلغه سیده یوز بیرگن هجوم حادثه سی دنیا مقیاسده سیاستچی، صنعتکار و سوداگرلر تامانیدن محکوم ایتیلدی.

آلمان باش وزیری انجیلا مارکیل برچه ترک خلقی، تروریزم گه قره ته مجادله توغریسیده بیردم لیک بیلن بیراویمیزگه همکارلیک قیلرلیگیمیزنی ایتماقچی من، دیدی.

فرانسه جمهور رئیسی فرانسوا اولاند بو منفور هجوم نی جدی شکلده محکوم ایته من. ترکیه ده پی در پی یوز بیرگن هجوم حادثه لری باعث قیغوداش لیگیم نی بیلدیره من دیب بیان ایتگن. فرانسه باش وزیری منوئل والس ایسه اولکه سی نینگ تروریزم گه قره ته ترکیه نینگ یانیده ایکن لیگینی معلوم قیلدی.

ایتالیا باش وزیری ماتئو رنتسی استانبولدن ییتیب کیلگن فاجعه لی خبر اوچون ترک خلقی گه قیغوداشلیک بیلدیره میز. هر بیر جایده تروریزم گه قرشی میز، دیب بیان ایتگن.

سعودی عربستان شاهی سلمان بن عبدالعزیز، آذربایجان جمهور رئیسی الهام علی یف، حادثه نینگ آرتیدن جمهور رئیس رجب طیب ایردوغانگه پیام یوباردی.

آذربایجان تشقی ایشلر وزیری قیغوداشلیک بیلدیردی. ایران تشقی ایشلر وزیری محمد جواد ظریف تروریزم قانلی یوزینی یینه بیر بار نمایان قیلدی. شدت دنیانی تهدید ایتیب تورگن بیر زوروانلیک دیر. بیردم لیک بیلن اونگه قرشی مجادله ایتیشیمیز کیره ک دیب بیان ایتگن.

امریکا قوشمه ایالتلریدن آق اوی حادثه نی محکوم ایتیب، اوباماگه موضوع بیلن علاقه لی معلومات بیریلگن لیگی بیلدیریلگن.

امریکا نماینده لر مجلسی نینگ باشلیغی پول رایین تروریزم نینگ موفق بولیشی اصلاً ممکن ایمس. اوشبو خائینانه هجوم گه قرشی متفقیمیز ترکیه نینگ یانیده اورین آله میز دیب تذکر بیرگن.

فلسطین دولت باشلیغی محمود عباس و مصرده گی مسلمان ایناغه لر تشکیلاتی (اخوان) هم هجوم حادثه سینی محکوم ایتدی.

هسپانیالیک صنعتکار انریکه ایگلاسیاس انترنیت آدرسی آرقه لی قلبیم سین بیلن استانبول دیب یازگن.

آتاترک قونلغه سیده گی هجوم حادثه سی دنیا مطبوعاتیده هم کینگ بیر شکلده انعکاس تاپدی. امریکا قوشمه ایالتلریده فعالیت الیب باره یاتگن دیجتال مطبوعات ارگانلریدن هفینگتین پوست هجوم ده جان بیرگن لرنینگ خاطره سی اوچون قیزیل بیر گل نینگ ایچیگه ترکیه بیراغینی لوگو اوله راق نشراتیگه دوام ایتدی