ایردوغان افریقا اولکه سی یوگاندا گه سفر قیلدی

ایردوغان افریقا اولکه سی یوگاندا گه سفر قیلدی

ترکیه جمهور رئیسی رجب طیب ایردوغان اوچ اولکه نی اوز ایچیه دآلگن شرقی افریقا سفری جریانیده یوگاندا گه ییتیب باردی. ایردوغان جمهور رئیس لیک سراییده تینگداشی یوری موسوینی بیلن اوچره شدی. اوچره شووده ایککی اولکه آره سیده گی دیپلوماتیک، عسکری، مدافعه، تعلیم، توریزم، سپورت و انرژی کبی موضوعلر توغریسیده کیلیشووگه قول قوییلدی. آرتیدن ایردوغان مطبوعات گه بیانات بیردی.

ایردوغان استقرارنی تهدید ایتگن یگانه عنصرنینگ تروریزم ایکن لیگینی بیان ایتدی. بو توغریده اوچ موضوع گه اشاره قیلدی. بولردن بیرته سی نینگ مذهب چیلیک، بیرته سی نینگ عرق چیلیک و بیرته سی نینگ ایسه تروریزم ایکن لیگینی اورغوله دی. ترکیه اوله راق 35 ییل دن بیری تروریزم بیلن مجادله قیلیب، تلفات بیریب تورگن میز. تروریزم و منطقه تروریزمی بیلن مجادله قیلیب تورگن میز. سیز بو موضوع گه حاکم سیز. بیز تروریزم گه معروض قالگن لرگه همکارلیک قیلیب توره میز. ترکیه اوگنداده تورلی ساحه لرده سرمایه گذارلیک قیلماقچی دیر، دیدی.

ایردوغان جنابلری دنیا بیش اولکه دن بویوک دیر. خودی شو 5 اولکه بیرلشگن ملتلر تشکیلاتی نینگ دائیمی اعضاسی دیر و دنیانینگ ایریم اولکه لری نینگ تقدیرینی تعیین ایتماقده دیر. اوشبو اولکه لر آره سیده افریقادن بیر اولکه هم یوق. خلقی مسلمان بیر اولکه هم یوق. قاره لرنی عدالت سیز بیر شکلده اداره قیلیش ممکن ایمس. موقتی اعضالرنینگ هیچ بیر تأثیری یوق. بیرلشگن ملتلر تشکیلاتی نینگ دوره ئی دائیمی اعضالیگی خوفسیزلیک شوراسیده عملی بولیشی کیره ک، دیدی.

اوگندا جمهور رئیسی ترکیه نینگ رهبریتی نینگ ایریم افریقا اولکه لریگه الهام بیرگن لیگینی بیان ایتدی.