تیکا تامان ساختمانی آلیب باریله دیگن مزار شریف یتیم خانه سی نینگ بنیادی قوییلدی

تیکا تامان ساختمانی آلیب باریله دیگن مزار شریف یتیم خانه سی نینگ بنیادی قوییلدی

ترکیه خلق ارا همکارلیک و رواجلنیش اداره سی (تیکا) مزارشریف شهریده 190 یاتاق لیق یتیم خانه بناسی قوره دی. یتیم خانه بناسی نینگ بنیادی نینگ قوریلیشی احتفالی گه افغانستان محنت، اجتماعی خوفسیزلیک و شهدا و معیوبلر وزیرلیگی اورین باسری وصل نور مهمند، ترکیه باش قونسلی مصطفی ایردیویرن، تیکانینگ مزارشریف مسؤلی ذکی بولدوک و یتیم باله لر قتنشدی.

وزیرلیک اورین باسری مذکور احتفالگه سوز یوروتیب، ترکیه بیلن افغانستان اره سیده گی دوست لیک نینگ 100 لب ییلگه ییتیب بارگن لیگینی قید ایتدی. وصل نور افغانستان ده 71 باب یتیم خانه موجود ایکن لیگینی  معلوم قیلیب، بولرنینگ کوپراغی نینگ ترکیه نینگ همکارلیگی بیلن فعالیت قیلیب تورگن لیگینی ایسله تیب اوتدی. مهمند جنابلری ترکیه نینگ اینگ قیین پیتلرده  افغانستان گه همکارلیک قیلگن لیگینی اورغولب، هم ترک خلقی گه همده ترکیه دولتی گه منتدارچیلیک بیلدیردی.

باش قونسل ایسه ترکیه نینگ افغانستان اوچون همکارلیگی نینگ دوام ایترلیگینی معلوم قیلیب، افغانستان خلقی نینگ ترکیه خلقی نینگ دوستی و ایناغه سی ایکن لیگینی بیان ایتدی.

مزارشریف تیکا مسؤلی بولدوک ایسه مزار شریف ده 2 مینگ متر مربع لیک بنا ایتیله دیگن ساختمان نینگ ایککی قات 190 کیشی لیک یاتاقدن عبارت ایکن لیگینی بیلدیردی. مذکور بناده معلم اتاقی، سالون، داکتر اتاقی، والدین اوچره شوو اتاقی و کییم اتاقی هم موجود ایکن لیگینی عیندمده سوو ذخیره سی و باله لر پارکی هم موجود ایکن لیگینی معلوم قیلدی.