ترکیه ده تروریزم گه قرشی کوره ش دوام ایتماقده

بوگون ایرته لب ۸ ترک حربی سی شهید بولدی.

ترکیه نینگ هککاری ولایتی چقورجه اولسواللیگیده, بوگون ایرته لب بولووچی ترور تشکیلاتی پی کا کا گه قرشی کوره ش آلیب باریتگن ۸ نفر ترک حربی سی شهید بولدی.  

اوشبو حربی لرنینگ ۶ نفری نینگ, تروریست لرنینگ چقورجه اولسواللیگی نینگ چیغلیق منطقه سیده گی حربی مرکز گه قره تیلگن هجومی نتیجه سیده یوز بیرگن توقنه شوو لر جریانیده شهید بولگن لیک لری بیلدیریلدی.  

حربی لر دن ایککی نفری ایسه خودی منه شو توقنه شوولر آرتیدن حادثه محللی گه یوباریلگن هلیکوپتر نینگ تخنیکی بیر معما سببلی قولب توشیشی عاقبتیده شهید بولدی. 

عینی دمده اوشبو حادثه لر عاقبتیده ۸ نفر حربی یره لندی. 

منطقه ده توقنه شوو لر دوام ایترایکن, آلتی تروریست ایسه تاثیر سیز وضعیت گه کیتیریلدی. 

عینی دمده ترکیه نینگ شرناق ولایتیده تروریست لر گه قرشی آلیب باریلیتگن عملیات لر جریانیده توپلم ۱۵ نفر تروریست تاثیر وضعیت گه کیتیریلدی.