ترکیه بیلن اسرائیل آره سیده گی علاقه لر
ترکیه بیلن اسرائیل آره سیده گی علاقه لر
ترکیه بیلن اسرائیل آره سیده گی مناسبت لرنینگ یخشی له شیشی توغری سیده آلیب باریلیتگن مذاکره لر بوییچه آلغه سیلجیشلرنینگ موجود ایکن لیگی بیلدیریلدی.
ترکیه جمهوریتی تشقی ایشلر وزیرلیگی تامانیدن بیریلگن بیاناتده, ترک و اسرائیل لیک مسئول لر نینگ انگلستان پایتختی لندن ده اوز ارا اوچره شگن لیک لری معلوم قیلیندی.
بیاناتده, تامانلرنینگ کیلیشو متنی توغری سیده ایریم موفقیت لر قول گه کریتگن لیک لری و یقین بیر کیله جکده بولیب اوته دیگن ییغیلیش جریانیده اوشبو خصوصده بیر کیلیشو نینگ تامین ایتیله دیگن لیگی ایسله تیلدی.
اسرائیل حربی لری نینگ ترکیه دن بارگن یاردم کیمه سی دن عبارت ماوی مرمره گه قره تیلگن هجومی آرتیدن بوزیلیب قالگن ترکیه بیلن اسرائیل آره سیده گی علاقه لرنینگ قیته باشدن یخشی لشتیریلیشی اوچون باشله تیلگن مذاکره لر دایره سیده ایلک مراتبه فبروری آیی نینگ ۱۰ نچی کونیده سویس نینگ ژنیو شهریده بیر ییغیلیش اوتکزگن تامانلر, تضمینات دن تشقری باشقه موضوع لر خصوصیده اوز ارا کیلیشیب آله آلمه گن ایدی.
میلادی ۲۰۱۰ نچی ییلی می آیی نینگ ۳۱ نچی کونیده غزه گه یاردم آلیب باریش اوچون حرکت ایتگن و اسرائیل حربی لری نینگ هجومی گه دوچ کیلیب قالگن ماوی مرمره اسمی گه ایگه کیمه ده ۹ کیشی جان بیررایکن, ۳۰ نفر ایسه یره لنگن ایدی.
علاقه لی ینگی لیکلر
تورکیه تشقی ایشلر وزیری پاکستان گه تشریف بیوردی
تورکیه - پاکستان تشقی ایشلر وزیرلری اوزارا اوچره شوو اوتکزدی