اردوغان اوباما بیلن اوچره شدی

ترکیه جمهوریتی جمهوررئیسی رجب طیب اردوغان, واشنگتن گه قیلگن سفری جریانیده امریکا قوشمه ایالت لری دولت رهبری باراک اوباما بیلن اوچره شدی.

اوشبو اوچره شوو قریب ۵۰ دقیقه دوام ایتدی.

خودی منه شو اوچره شوو جریانیده, منطقه خوف سیزلیگی, تروریزم گه قرشی کوره ش , مهاجر لر و ترکیه بیلن امریکا آره سیده گی همکارلیک لر باره سیده بحث ایتیلدی.

عینی دمده اوشبو اوچره شوو جریانیده ترور تشکیلاتی داعش نینگ قنده ی قیلیب یوق ایتیلیشی بیلن علاقه لی مشترک سعی و حرکت لر توغری سیده هم بحث ایتیلگن لیگی بیلدیریلدی.

اوباما, اوشبو اوچره شوو جریانیده, توناوون (پنجشنبه) ترکیه نینگ دیاربکر ولایتیده اویوشتیریلگن تروریستیک هجوم عاقبتیده جان بیرگن کیشی لر نینگ عایله اعضالری گه تسلیت بیلدیررایکن, یره لنگن کیشی لر گه ایسه عاجل شفا لر تیلب قالدی.

عینی دمده اوباما, تروریزم گه قرشی کوره ش بوییچه امریکا نینگ ترکیه بیلن بولگن همکارلیگی نینگ دوام ایته دیگن لیگی نی ایسله تیب اوتدی.

جمهوررئیسی اردوغان نینگ امریکا ده گی اوچره شوو لری دوام ایته دی.