انقره حادثه سی بیلن علاقه لی سونگی معلومات ییتیب کیلدی

انقره حادثه سی بیلن علاقه لی سونگی معلومات ییتیب کیلدی

قانلی حادثه ده 28 کیشی جان بیردی

قانلی تروریستیک حادثه قوراللی کوچلر، دینگیز خوفسیزلیک کوچلری، پیاده و هوائی کوچلری، عسکری بلاک لر، ترکیه پارلمانی و ایچکی ایشلر وزیرلیگی گه 200 متر یقین چهار راهیده یوز بیردی. عسکری پرسونل لرنی انتقال بیرووچی سرویس لر قیزیل چیراغده توخته گن پیتده پارتلاو ماده سی بیلن اورنه تیلگن موتر انفجار بیریلدی. انفجار حادثه سی نینگ آرتیدن یوزلب امبولانس، خوفسیزلیک کوچلری و اطفائیه موتری حادثه یوز بیرگن جایگه ییتیب باردی. انفجار حادثه سی عاقبتیده 2 عراده سرویس واسطه سی یاندی.

ترکیه قوراللی کوچلری ایسه یره لنگن 61 کیشی دن 30 کیشی نینگ تداوی لری نینگ آرتیدن شفاخانه دن رخصت ایتیلگن لیگینی، 8 کیشی نینگ گاتا عسکری شفاخانه ده و 23 کیشی نینگ ایریم ملکی شفاخانه لرده تداوی لری نینگ دوام ایتیب تورگن لیگینی بیلدیردی.

انفجار حادثه سی یوز بیرگن جایده ترکیه خوفسیزلیک کوچلری نینگ حادثه تیگشیرووچی اداره سی تمان کیچه بوییچه تحقیق عملگه آشیریلدی. پولیس اطرافده گی خوفسیزلیک کمره لر آرقه لی موترنینگ نمبر پلیتی بیلن تروریست اعضاسی نینگ کیم لیگینی تثبیت ایتگن لیگی معلوم قیلیندی. هجوم اویوشتیریلگن موترنینگ 2 آی آلدین کرالنگن لیگی بیلدیریلدی. تروریست اعضالری خوفسیزلیک کوچلرینی الده تیش اوچون باشقه بیر نمبر پلیت تققن لیگی و اوشبو نمبر پلیت نینگ خودی شو مودل ده گی باشقه بیر موترگه تاقیلگن ایکن لیگی ایفاده ایتیلدی. حادثه ده یانگن اوچ اوتوبس و بیر کیچیک موتر خوفسیزلیک کوچلری تمان انتقال بیریلدی.

مذکور حادثه نینگ آرتیدن ترکیه جمهور رئیسی رجب طیب ایردوغان آذربایجان سفرینی و باش وزیر احمد داوداوغلی ایسه بلجیم سفرینی کنسل قیلدی.