اردوغان: ترکیه ۲۰۲۳ نچی ییلی هدفلری نی قولگه کریته دی

ترکیه جمهوریتی جمهوررئیسی رجب طیب اردوغان, ترکیه نینگ میلادی ۲۰۲۳ نچی ییلی هدفلری نی مطلق بیر شکلده قول گه کریته دیگن لیگی نی بیلدیردی.
جمهوررئیسی اردوغان, ترکیه جمهوریتی نینگ قوریلیشی نینگ ۹۲ نچی ییل لیگی مناسبتی بیلن انقره ده اتاترک فرهنگ مرکزیده بولیب اوتگن مراسم جریانیده خلق گه قره ته بیر معروضه قیلدی.
ملت صفتیده جوده قیین بیر شرایط ده قوریلگن ترکیه جمهوریتی نینگ ایلغار بیر سویه گه کوتریلیشی اوچون ۹۲ ییلدن بیری سعی و حرکت ایتیب کیلیتگن لیک لری نی بیلدیرگن اردوغان, ترکیه نی منطقه و خلق ارا مقیاسده اینگ مهم اولکه لر دن بیری گه ایلنتریب قویگن لیک لرینی معلوم قیلدی.
اردوغان, "الحمد لله حاضرگی کونده اولکه میز برچه مظلوم لرنینگ امید منبعی گه ایله نیب قالگن وضعیتده. باشقه بیر تماندن ایسه, قرداش لیق و دموکراسی بیلن علاقه لی سعی و حرکت لری میز دن راحت سیز بولیتگن تمان لر هر دایم بیز لر گه توسیق بولیش گه حرکت ایتماقده. برچه شرایطده دولتی میز گه قره تیلگن تهدید لر نی برطرف ایتیش کوچ و قرار لیگی میز موجود" دییه قید ایتدی.
عینی دمده جمهوررئیسی اردوغان اوز سوز لری نی, "۷۸ میلیون نفوس اوله راق همه میز نینگ بیر یقه دن باش چیقاریشی میز تقدیرده, برچه معما لری میز نی حل ایتگن بوله میز" شکلیده دوام ایتتردی.