ترکیه اسرائیل گه قتتیق عکس العمل کورستدی

ترکیه اسرائیل گه قتتیق عکس العمل کورستدی.
ترکیه جمهوریتی باش وزیری احمد داوود اوغلی, اسرائیل عسکر لری نینگ الخلیل ده 18 یاشیده گی فلسطین لیک قیز نی اولدیرگن لیگی گه قرشی قتتیق بیر شکلده عکس العمل کورستدی.
اسرائیل حربی لری نینگ بیر نیچه کون آلدین ینه مسجد الاقصی گه باسیب کیرگن لیک لری نی بیلدیرگن داوود اوغلی, دنیا اولکه لری نینگ اوشبو وضعیت گه قرشی سیس سیز بولیب قالگن لیگی نی معلوم قیلرایکن, خودی منه شو وضعیت گه قرشی عکس العمل کورسه تیتگن بیرته گینه اولکه نینگ ترکیه دن عبارت ایکن لیگی نی ایسله تیب اوتدی.
عینی دمده داوود اوغلی, "مسجد الاقصی ده یوز بیرگن حادثه لر گه قرشی عکس العمل کورستمس لیک فقط گینه ایلک قبله نی اسره مس لیک ایمس, عینی دمده انسان لیق روحی گه ایگه بولمس لیک دن عبارت" دییه قید ایتدی.
اسرائیل حربی لری نینگ غربی نوارده الخلیل شهریده کنترولی بیر نقطه ده 18 یاشیده گی فلسطین لیک بیر قیز نی آتیب اولدیرگن لیگی گه قرشی هم عکس العمل کورستگن باش وزیر داوود اوغلی, اوز سوز لری نی, "18 یاشیده گی یاش قیزی میز اوستیده گی اسلامی حجابی نی چیقارمه گن لیگی سببلی خائین اشغالچی اسرائیل حربی لری تمانیدن شهید ایتیلدی" شکلیده دوام ایتتردی.