ترکیه ده قیته باشدن سیلاو بولیب اوته دی

ترکیه ده قیته باشدن سیلاو بولیب اوته دی.
عدالت و توسعه حزبی نینگ رهبری و ترکیه جمهوریتی باش وزیری احمد داوود اوغلی نینگ جمهوریت خلق حزبی نینگ باشلیغی کمال قلیچدار اوغلی بیلن بولگن ائتلافی حکومت نینگ قوریلیشی گه تیگیشلی مذاکره لری نتیجه بیرمه دی.
داوود اوغلی, جمهوریت خلق حزبی گه اوتکینچی بیر ریفورم حکومتی نی مطرح ایتگن لیک لری نی بیلدیردی.
عینی دمده, تشقی سیاست و تعلیم و تربیه سنگری ساحه لر بوییچه چقور فکر فرقلی لیق لری نینگ موجود ایکن لیگی نی ایسله تیب اوتدی.
شونده ی قیلیب باش وزیر داوود اوغلی, ایندی قیته باشدن سیلاو بولیب اوتیش نینگ بیر ته گینه یولدن عبارت ایکن لیگی نی معلوم قیلیش لری نینگ ممکن ایکن لیگی نی بیلدیردی.
جمهوریت خلق حزبی نینگ رهبری کمال قلیچدار اوغلی ایسه, "بیز گه ائتلافی حکومت طلبی بیلن کیلمه دیلر. بلکه قیسقه مدت لیک سیلاو حکومتی و اقلیت حکومتی نینگ حمایه له نیشی طلب ایتدیلر" دییه قید ایتدی.
ملیتچی حرکت حزبی نینگ رهبری دولت باغچه لی ایسه, عدالت و توسعه حزبی بیلن جمهوریت خلق حزبی بیلن مشترکاً ائتلافی بیر حکومت نینگ قوریلیشی نینگ ممکن بولمه گن لیگی نینگ درک ایتیلیشی آرتیدن, حزبی نینگ مسئول لری بیلن بیر ییغیلیش اوتکزدی.
باش وزیر داوود اوغلی ایسه, ملیتچی حرکت حزبی نینگ رهبری دولت باغچه لی بیلن ملاقات قیلیش نی طلب ایتدی.
ملیتچی حرکت حزبی ایسه باش وزیر داوود اوغلی نینگ اوشبو طلبی گه مثبت جواب قیتردی.