جمهوررئیسی اردوغان تروریستیک هجوم لر نی قاره له دی

جمهوررئیسی اردوغان کویت و تونس ده اویشتریلگن هجوم لرنی قاره لب چیقدی.
ترکیه جمهوریتی جمهوررئیسی رجب طیب اردوغان, توناون جمعه نمازی جریانیده کویت ده شیعه لر گه قره ته اویشتریلگن انتحاری هجوم بیلن تونس ده گی ایککی هوتل گه قره تیلگن قوراللی حمله نی قتتیق بیر شکلده قاره له دی.
جمهوررئیس لیگی تمانیدن بیریلگن بیاناتده, خودی منه شو هجوم لرنینگ تروریزم گه قرشی کوره ش بوییچه خلق ارا همکارلیک نینگ ضروری ایکن لیگی نی ینه بیر بار کورسه تیب بیرگن لیگی معلوم قیلیندی.
بیاناتده, اوشبو هجوم لرنینگ رحمت و برکت آییدن عبارت مبارک رمضان آییده اویشتریلگن لیگی نینگ ایسه هجومچی لرنینگ قنچه لیک وحشی ایکن لیک لری نینگ کورستگیچی دن عبارت ایکن لیگی قید ایتیلدی.
عینی دمده بیاناتده ترکیه نینگ تروریزم گه قرشی کوره ش بوییچه انیق روشده تونس و کویت بیلن همکار ایکن لیگی معلوم قیلیندی.
بوندن تشقری جمهوررئیسی اردوغان تونس جمهوررئیسی و کویت شیخی بیلن تلفن آرقه لی صحبت ایتیب, خودی منه شو هجوم لر سببلی جوده خفه بولگن لیگی نی معلوم قیلرایکن, حادثه بیلن علاقه لی تسلیت بیلدیردی.
ضمناً ترکیه جمهوریتی تشقی ایش لر وزیرلیگی هم کوپلب کیشی نینگ جان بیرگن اوشبو تروریستیک هجوم لر نی قتتیق بیر شکلده قاره لب چیقدی.
توناون کویت ده شیعه لر گه قره ته اویشتریلگن اوشبو هجوم عاقبتیده ۲۵ کیشی جان بیررایکن, قریب ۲۰۰ نفر ایسه یاره لندی.
قریب بیر یریم میلیون کیشی نینگ یشیتگن کویت ده نفوس نینگ اوچ دن بیر قسمی نی شیعه لر تشکیل ایتماقده.
خودی منه شو هجوم نینگ مسئولیتی نی ایسه داعش اوز بوینی گه آلدی.
تونس ده توریستیک هوتل لر گه قره ته اویشتریلگن قوراللی هجوم عاقبتیده ایسه ۲۸ کیشی جان بیردی.
یوز بیرگن توقنه شوو لر جریانیده هجومچی لر دن بیری اولدیریلرایکن, بیر نفری ایسه اوشلندی.
خودی منه شو حادثه عاقبتیده جان بیرگن کیشی لرنینگ بیوک بیر قسمی نینگ انگلستان لیک و آلمان لیک توریست لر دن عبارت ایکن لیک لری بیلدیریلدی.