اردوغان: اجدادی میز ظلم قیلمه گن

ترکیه جمهوریتی جمهوررئیسی رجب طیب اردوغان, عسکری آرشیف لری نی آچیش گه تیار ایکن لیک لری نی بیلدیردی.
جمهوررئیسی اردوغان, چناق قلعه اوروش لری نینگ ۱۰۰ نچی ییل لیگی مناسبتی بیلن استانبولده بولیب اوتگن رهبر لر ییغیلیشی جریانیده بیرگن بیانات لریده, بیرینچی دنیا اوروشی نینگ یاشیرینچ روشده دوام ایتیتگن لیگی نی بیلدیررایکن, تینچ لیک و رفاه نینگ تامین ایتیلیشی اوچون خلق ارا همکارلیک نینگ ضروری ایکن لیگی نی معلوم قیلدی.
اردوغان, ارمنی لرنینگ میلادی ۱۹۱۵ نچی ییلیده گی حادثه لر بیلن علاقه لی ادعا لری نینگ اساس سیز ایکن لیگی نی بیلدیررایکن, اوروپا بیرلیگی گه قره ته بیرگن بیانات لریده, "قریب بیر میلیون حجت نینگ موجود ایکن لیگی نی معلوم قیلیب کیلماقده من. حتی بیز عسکری آرشیف لری میز نی هم آچیب بیریش گه تیار میز. بیز نینگ هیچ قندای بیر تشویشی میز یوق. اجدادی میز نینگ ظلم ایتمه گن لیگی گه ایشانماقده میز" دییه قید ایتدی.
جمهوررئیسی اردوغان, اوز سوز لری نی, "تاریخ نی کینه و نفرت واسطه سی گه ایلنتریش ارمنی لرنینگ اوزی داخل هیچ بیر تمان گه فایده سی یوق" شکلیده دوام ایتتردی.
جمهوررئیسی اردوغان ارمنی ادعا لری نی حمایه لیتگن تمان لر نی, جان بیرگن ۴ میلیون ترک نینگ هم درد لری نی درک ایتیش گه چقردی.