یمن ده تورکیه لیک 185 کیشی چیقاریلدی

یمن ده تورکیه لیک 185 کیشی چیقاریلدی
تورکیه تشقی ایشلر وزیری مولد چاووش اوغلی یمن نینگ باشکینتی صنعا ده تورکیه و خارجی لر توپلم 230 کیشی نینگ چیقاریلگن لیگی نی بیلدیردی.
مولد چاووش اوغلی تیویتر آرقه لی ترقتگن اوز بیاناتیده ایلک سفرده 55 تورکیه وطنداشینی چیقاریلگن لیگی نی معلوم قیلیب اوزلریدن یاردم طلب ایتگن باشقه اولکه وطنداشلرینی هم چیقاریلگن لیگی نی بیلدیردی. چاووش اوغلی تورکیه جمهوریتی اوز کوچیگه یره شه بیر عملیاتنی موفقیت لیک بیلن اوز اداغیگه ییتکیزگن دیر، دیدی.
جمهور ریس رجب طیب ایردوغان و باش وزیر احمد داوداوغلی نینگ حادثه نی تعقیب ایتگن لیکلرینی معلوم قیلیب، فعالیت قیلگن برچه اداره لرگه اوز منتدارچیلیگی نی بیلدیردی.
یمن ده گی اوروش باعث آلیب چیقاریلگن 185 کیشی تورک هوا یولی بیلن تورکیه گه قره ب حرکت ایتگن لیگی معلوم قیلیندی. تورکیه تینگیز کوچلری تمانیدن عدن دن آلیب جیبوتی گه کیلتیریلگن 55 کیشی تناون آقشم طیاره بیلن استانبولگه کیلگن ایدی.