تورکیه بورسلری جوکاتیده کیلگن خارجی محصل لر...

تورکیه نینگ خارجی محصل لرگه بیرگن بورس امکانیتی
تورکیه نینگ میلادی 1992 نچی ییل دن بویان خارجی محصل لرگه یره تگن "تورکیه بورسلری" آتیده گی بورس امکانیتیدن 50 مینگ 130 محصل فایده لنگن لیگی بیلدیریلدی.
تورکیه بورسلری چوکاتیده 150 اولکه دن لسانس، ماسترلیک، دوکتورا و تحقیق اوچون محصل کیلگن دیر. اوشبو جریانده اورته اسیا اولکه لریدن 19 مینگ 329 محصل، اورته شرق اولکه لریدن 4 مینگ 103 کیشی، جنوبی آسیا اولکه لریدن 3 مینگ 534 کیشی، بالقان اولکه لریدن ایسه 8 مینگ کیشی تورکیه گه کیلیب تحصیل قیلگن لیگی معلوم قیلیندی.
تورکیه نینگ افریقا تمان آچیلیشی بیلن میلادی 2011 نچی ییل دن کیین افریقا اولکه لریدن 4 مینگ 663 کیشی، میلادی 2014 نچی ییل جریانیده شمالی امریکا دن 44 و جنوبی امریکادن ایسه 202 محصل کیلگن. کولمبیا جمهور ریسی تورکیه جمهور ریسی رجب طیب ایردوغانگه تورکیه بورسلری اوچون منتدارچیلیک بیلدیرگن دیر. تورکیه بورسلری چوکاتیده میلادی 2015 – 2016 نچی تعلیمی ییل اوچون 5 مینگ محصل قبول ایتیله دیگن لیگی بیلدیریلدی. اوشبو بورسگه مراجعه فبروری آی نینگ 25 نچی تاریخیده باشله گن ایکن مارچ آی نینگ 31 نچی تاریخی گه اوز نهایه سیگه ییته دی.