تورکیه سوریه گه عملیات اویوشتیردی

تورکیه سوریه گه عملیات اویوشتیردی
تورکیه سلیمان شاه مقبره سی ده گی اوز عسکرلری نی انتقال بیریش اوچون بو کیچه بیر عملیات اویوشتیرگن لیگی بیلدیریلدی. سلیمان شاه ایسکی تورک پادشاه لریدن بیرته سی دیر. سوریه نینگ حلف منطقه سیده جایلشگن سلیمانشاه مقبره سی نینگ ساحه سی تورکیه توپراقلری اوله راق اتلماقده دیر. مذکور ساحه 94 ییل آلدین فرانسه دولتی بیلن تورکیه دولتی آره سیده خلق ارا کیلیشوو امضا له نیب تورکیه نینگ توپراقی اوله راق قالگن دیر. خودی شونده ی بولیب 8 آی دن بیری 40 کیشی عسکر سلیمانشاه حوزه سیده اوز وظیفه لرینی بجریب بارماقده ایدی. بیراق تورکیه مذکور عسکرلرنی و سلیمانشاه جنازه سینی موقتی انتقال بیریش اوچون بو کیچه بیر عملیات اویوشتیرگن لیگی بیلدیریلدی.
تورکیه صدراعظمی احمد داوداوغلی اجدادیمیز نینگ امانتی سلیمان شاه نینگ جنازه سی موقتاً توریه گه کیلتیریلدی، دیدی. مذکور عملیاتگه 5 تانک قتنشگن لیگی ایف – 16 اوروش طیاره لری گزمه قیلگن لیگی بیلدیریلدی. عین دمده جمهور ریس رجب طیب ایردوغان عملیاتنی تیلفون آرقه لی اردو قمندانلریدن سوره ب تعقیب قیلیب تورگن لیگی معلوم قیلیندی.