ترکیه ده اسرائیل گه قرشی ناراضی چیلیک نمایش لری بولیب اوتدی

اسرائیل نینگ مسجد الاقصی گه قره تیلگن هجومی گه قرشی ترکیه ده ناراضی چیلیک نمایش لری بولیب اوتدی.
اوشبو ناراضی چیلیک نمایش لری ترکیه نینگ استانبول, انقره, بولو, ساکاریا, دینیزلی, ماردین, دیاربکر, باتمان, ایدیرنه و قارس سنگری شهر لری ده بولیب اوتگن.
خودی منه شو ناراضی چیلیک نمایش لری جریانی ده اسرائیل لعنت لندی.
انقره ده بولیب اوتگن ناراضی چیلیک نمایش لری جریانی ده مظاهره چی لر اسرائیل نینگ انقره سفارتی گه استفاده ایتیلگن باله لر پمپرسی نی آتدی.
اسرائیل گه قرشی شعار بیرگن مظاهره چی لر اسرائیل نینگ هجوم لری عاقبتیده جان بیرگن فلسطین لیک لر نینگ روحی گه دعا قیلدی.
استانبول ده بولیب اوتگن ناراضی چیلیک نمایش لری جریانی ده ایسه مظاهره چی لر, مسلمان لرنینگ عکس العمل کورسَتمَیَتگن لیگی سببلی اسرائیل نینگ بوندای فعالیت لری نی کونساین آرتریب باریتگن لیگی نی معلوم قیلدی.
ترکیه ده گی سعادت حزبی نینگ رهبری مصطفی کمال آق ایسه, زود لیک بیلن اسلام اولکه لری دن بیر فلسطین تینچ لیک کوچی نینگ تشکیل ایتیلیشی کیره ک ایکن لیگی نی بلدردی.