عراق دن ترکیه گه کیلگن پیشمرگ کوچ لری کوبانی گه اوتدی

بیر نیچه کون آلدین عراق دن ترکیه گه اوتگن پیشمرگ کوچ لری قطاری داعش گه قرشی اوروشیش اوچون سوریه نینگ کوبانی شهری گه اوتدی.
اوشبو پیشمرگ کوچ لری نینگ سوریه گه اوتیتگن پیت ده امریکا قوشمه ایالت لری ایتکچی لیگی ده گی ائتلاف نینگ اوروش طیاره لری هم کوبانی نی بمباردمان ایتدی.
عراق نینگ شمالی ده گی محللی رهبریت تمانیدن یوباریلگن اوشبو پیشمرگ کوچ لری قطاری, شوندای قلیب داعش گه قرشی اوروشیش اوچون ترکیه نینگ شانلی اورفا ولایتی سوروچ اولسوال لیگی دن سوریه نینگ کوبانی شهری گه باردی.
عینی دمده, پیشمرگ کوچ لری نینگ کوبانی گه کریتگن پیت ده داعش, منطقه ده منفجره مواد یوکلنگن بیر عراده موتر بیلن انتحاری هجوم اویشتردی.
اوشبو حادثه نینگ هیچ قندای بیر جانی خساره سی نینگ بولمه گن لیگی بلدریلدی.