جمهور رئیس رجب طییب ایردوغان، باراک اوباما بیلن اوچره شتی

جمهور رئیس رجب طییب ایردوغان، نیویارک ده گی تماسلری نینگ سونگی کونیده ایکی اهمیتلی اوچره شوو عملگه آشیردی.ایردوغان بیرینچی دن امریکا بیرلشگن دولتلری جمهور رئیشسی باراک اوباما بیلن اوچره شتی.
اوبا ما نینگ تیلفون آرقه لی دعوتی اساسیده عملگه آشیریلگن اوچره شوو ده عراق شام اسلام دولتی تشکیلاتی بیلن سوریه و منطقوی مساله لر اوستیگه صحبت بولدی.
ایکی لیدر راق شام اسلام دولتی تشکیلاتی باشده توریشی بیلن بیرگه منطقه ده گی همه ترورتشکیلات لریگه قرشی کوره شیش و سوریه مساله سی دیک موضوع لرده ترکیه و امریکا بیرلشگن دولتلری نینگ اورتاق ستراتیژی سی بیلن فعالیت ایتیش گه دوام ایتتیریشلرینی تاکید ایتتیلر.
ایردغان بیلن اوباما، اونگیمیزده گی جریان ده هم یقیندن تماسلر قیلیب توریشلری موضوع سیده مطابق قالدیلر.
جمهور رئیس ایردوغان، اوندن کیین امریکا بیرلشگن دولتلری جمهور رئیس اورینباسری بولگن جوبایدن نی قبول ایتتی.
ایردوغان و بایدن، عراق وسوریه باشده توریشی بیلن بیرگه منطقوی موضوعلر حقیده فکر المه شووی قیلدیلر.
اوچره شووده، عراق نینگ استقراری نی هدف قرار بیگن فعالیت لر اوستیگه بحث ایتیلدی.
مذکور فعالیت لرگه ، ترکیه و امریکا نینگ بیرگه لیکده حصه آلیش لری لازم لیگی اوستیگه تاکید ایتلدی.
سوریه ده ینگی بیر نظم و استقرار تامین ایتیلیشی لازم لیگی اوستیگه هم گپله شیلدی.
موضوع گه باغلیق صفتده منطقه ده آرتیب باره دیگن مهاجرلر نینگ سانی توغری سیده هم بیر حل یولی تاپیلیشی اوچون اورتاقله سیب فعالیت ایتیش نینگ اهمیتی اوستیگه هم تاکید ایتیلدی.
باشقه تماندن جمهور رئیس ایردوغان، امرکا بیرلشگن دولتلری نینگ تجارت اطاقلری بیلن ترک ایش بیرلیگی و تورقی اداره سی ریاستی بولگن تیکا نینگ اورگانیزاسیونی بیلن یولله نگن ییغیلیش هم قتنه شدی.
ترک و امریکالی ایش آدملری نینگ بیرگه لیکده ترتیب بیرگن ییغیلیشلریده، ایکی اولکه اره سیده گی تجاری مناسبتلر هم بحث آستیگه آلیندی.
ایردوغان، نیویارک ده گی تماسلری نینگ سونگی کونیده ایش دنیا سی و اجتماعی مدنی جامعه قوریلیشلری نینگ نماینده لری بیلن اوچره شتی.
آقشام ساعت لریده ترکن فوندیشن تمانیدن ترتیب بیریلگن ییمک دعوتی گه هم قوشیلگن ایردوغان،مطبوعات گه بیرکیتیلگن شکلده گی مراسم ده اکادیمیسن و اوقوچیلر نی مخاطب قرار بیردی.
ییغیلیش ترتیب بیریلگن هوتل نینگ اونگیده ییغیلگن بیر گروپ جمعیت، ایردوغان گه سیوگی لرینی اظهار ایتیلر.
جمهور رئیس ایردوغان و اوبیلن بییرگه بولگن هیاتی اوندن کیین ترکیه گه قیتیب کیلیش اوچون نیویارک دن ایریلدیلر.