جمهوررئیسی اردوغان نینگ باکو گه قیلگن سفری

ترکیه جمهوریتی جمهوررئیسی رجب طیب اردوغان آذربایجان پایتختی باکو گه تشریف بیوردی.
جمهوررئیسی بولیشی آرتیدن ایککینچی سفری دایره سیده آذربایجان گه سفر قیلگن جمهوررئیسی اردوغان باکوده آذربایجان جمهوررئیسی الهام علی یف تمانیدن رسمی مراسم بیلن کوتیب آلیندی.
اردوغان نینگ اوشبو سفری مناسبتی بیلن جمهوررئیس لیگی مهمان خانه سیده حربی مراسم بولیب اوتدی.
مراسم آرتیدن ایککی جمهوررئیسی آره سیده یککه مه یککه اوچره شو لر بولیب اوتدی.
جمهوررئیسی اردوغان بیلن آذربایجان جمهوررئیسی الهام علی یف خودی منه شو اوچره شو آرتیدن مشترک بیر مطبوعاتی کنفرانس ترتیب له دی.
اردوغان خودی منه شو ییر نینگ اوزی ده بیرگن بیانات لری ده, "ناتو رهبر لر ییغیلیشی و اینیقسه اوشبو رهبر لر ییغیلیشی گه تیگیشلی برچه جلسه لر ده آذربایجان گه بیریلگن ایریم وعده لر بار ایدی. ایندی اوشبو سوز لر نی او ییرده هم کون ترتیبی گه کیتیریب, باشقه اولکه لر گه بیریلگن سوز لرنینگ بجا کیتیریلگن لیگی دیک, آذربایجان گه بیریلگن وعده لرنینگ هم بجا کیتیریلیشی نی موضوع بیلن علاقه لی اولکه لر دن طلب ایته میز. ایندی اوشبو موضوع بیر لطف ایمس, بلکه بیر حق دن عبارت" دییه قید ایتدی.
جمهوررئیسی اردوغان, جنوبی قفقازلر گاز دهلیزی نینگ تهدابی نینگ قویلیشی مراسمی نینگ سپتامبر آیی نینگ ۲۰ نچی کونیده باکوده بوله دیگن لیگی نی معلوم قیلدی.
کیین چه لیک اردوغان مرحوم جمهوررئیسی حیدر علی یف نینگ مزاری و آذربایجان شهید لیگی نی باریب کوردی.
اردوغان اینگ سونگ ایسه باکو ده ترک شهید لیگی گه باردی.
حرمت بجا کیتیریش اوچون سکوت سقله گن جمهوررئیسی اردوغان شرف کتابی گه, "مستقل آذربایجان نینگ تهدابی نینگ کوچی نی آرتررایکن, بیر قهرمان لیق داستانی نی یازدینگیز. اوز حاکمیتی نی قوریش نی آرزو ایتیتگن آذربایجان لیق قرداش لری میز بیلن همکارلیک ایتیش اوچون سعی و حرکت ایتیش نی بیر وظیفه اوله راق قبول ایتدینگیز" دییه یازدی.
کیین چه لیک اردوغان, ناتو رهبر لر ییغیلیشی گه اشتراک ایتیش اوچون آذربایجان آرتیدن ولز گه جونب کیتدی.