جمهوررئیسی اردوغان باکو ده رسمی مراسم بیلن کوتیب آلیندی

ترکیه جمهوریتی جمهوررئیسی رجب طیب اردوغان جمهوررئیسی بولیشی آرتیدن ایککینچی سفری دایره سیده آذربایجان پایتختی باکو گه تشریف بیوردی.
جمهوررئیسی اردوغان باکو ده آذربایجان جمهوررئیسی الهام علی یف تمانیدن رسمی مراسم بیلن کوتیب آلیندی.
اردوغان نینگ اوشبو سفری مناسبتی بیلن جمهوررئیس لیگی مهمان خانه سیده حربی مراسم بولیب اوتدی.
مراسم آرتیدن ایککی جمهوررئیسی آره سیده یککه مه یککه اوچره شو لر بولیب اوتدی.
اردوغان خودی منه شو ییر نینگ اوزی ده بیرگن بیانات لری ده, "ناتو رهبر لر ییغیلیشی و اینیقسه اوشبو رهبر لر ییغیلیشی گه تیگیشلی برچه جلسه لر ده آذربایجان گه بیریلگن ایریم وعده لر باردی. ایندی اوشبو سوز لر نی او ییرده هم کون ترتیبی گه کیتیریب, باشقه اولکه لر گه بیریلگن سوز لرنینگ بجا کیتیریلگن لیگی دیک, آذربایجان گه بیریلگن وعده لرنینگ هم بجا کیتیریلیشی نی موضوع بیلن علاقه لی اولکه لر دن طلب ایته میز. ایندی اوشبو موضوع بیر لطف ایمس, بلکه بیر حق دن عبارت" دییه قید ایتدی.
جمهوررئیسی اردوغان, جنوبی قفقازلر گاز دهلیزی نینگ تهدابی نینگ قویلیشی مراسمی نینگ سپتامبر آیی نینگ 20 نچی کونیده باکوده بوله دیگن لیگی نی معلوم قیلدی.
اردوغان, ناتو رهبر لر ییغیلیشی گه اشتراک ایتیش اوچون آذربایجان آرتیدن ولز گه سفر قیله دی.
عینی دمده اوشبو رهبر لر ییغیلیشی دایره سیده جمهوررئیسی اردوغان سپتامبر آیی نینگ 5 نچی کونیده امریکا قوشمه ایالت لری دولت رهبری بره ک اوبه مه بیلن اوچره شه دی.
اوشبو ییغیلیش, اردوغان نینگ جمهوررئیسی اوله راق اشتراک ایته دیگن ایلک خلق ارا رهبر لر ییغیلیشی دن عبارت بوله دی.