رجب طیب اردوغان جمهوررئیسی بولدی

ترکیه ده ۱۲ نچی جمهوررئیسی رجب طیب اردوغان, جمهوررئیس لیگی قصری ده گی مراسم بیلن ۱۱ نچی جمهوررئیسی عبدالله گل دن اوشبو وظیفه نی تسلیم آلدی.
گل, اوشبو مراسم جریانی ده بیرگن بیانات لری ده, " ۷ ییل لیق بیر مدت بیلن آلیب بارگن ترکیه جمهوریتی جمهوررئیس لیگی وظیفه سی نی ترک خلقی تمانیدن ۱۲ نچی جمهوررئیسی اوله راق سیلنگن حرمتلی رجب طیب اردوغان گه تسلیم ایتیتگن لیگیم هم جوده خرسند من" دییه قید ایتدی.
جمهوررئیسی رجب طیب اردوغان ایسه, خودی منه شو مراسم جریانی ده بیرگن بیانات لری ده, ۹۱ ییل لیق جمهوریت تاریخی و ۲ مینگ ییل لیق ترک تاریخی ده ایلک مراتبه دولت نی باشقره دیگن کیشی نینگ, ملت نینگ رایی بیلن سیلنگن لیگی نی ایسله تیب اوتدی.
معروضه سی جریانی ده تشقی سیاست باره سیده هم بحث ایتگن اردوغان, ترکیه نینگ ستراتیژیک هدفی دن عبارت اوروپا بیرلیگی اعضالیگی بیلن علاقه لی فعالیت لرنینگ دوام ایته دیگن لیگی نی معلوم قیلدی.
معروضه لر آرتیدن ۱۲ نچی جمهوررئیسی اردوغان, گل گه, دولت شرف مدالی و جمهوررئیس لیگی نشانی نی تقدیم ایتدی.
جمهوررئیسی اردوغان نینگ, ۱۱ نچی جمهوررئیسی گل دن وظیفه نی تسلیم آلگن مراسم گه, ۱۵ اولکه نینگ جمهوررئیسی و دولت رهبری, ۱۲ اولکه نینگ پارلمان باشلیغی, ۱۲ اولکه نینگ باش وزیری, ۳ اولکه نینگ جمهوررئیسی اورین باسری, ۷ اولکه نینگ باش وزیر اورین باسری, قریب قرق اولکه نینگ وزیرلری و ۹ خلق ارا تشکیلات نینگ نماینده لری اشتراک ایتدی.