اردوغان گه تبریکیه پیام لری کیلماقده

ترکیه نینگ ۱۲ نچی جمهوررئیسی اوله راق سیلنگن ترکیه جمهوریتی باش وزیری رجب طیب اردوغان گه, دنیا نینگ فرقلی جای لری دن تبریکیه پیام لری کیلماقده.
بیرلشگن ملت لر تشکیلاتی عمومی منشی سی بان کی مون اوشبو مناسبت بیلن باش وزیر اردوغان گه تبریکیه پیامی یوباردی.
مون نینگ سوزلاوچی سی نینگ اورین باسری بیرگن بیانات لری ده, "عمومی منشی مون, ایلک مراتبه خلق نینگ رایی بیلن جمهوررئیسی نی دموکراتیک و موفق بیر شکل ده سیله گن ترک خلقی گه اوز تبریک لری نی بلدرماقده" دییه قید ایتدی.
امریکا قوشمه ایالت لری تشقی ایش لر وزیرلیگی تمانیدن ترقه تیلگن پیام ده هم, "باش وزیر اردوغان نینگ جمهوررئیسی اوله راق سیلنگن لیگی اوچون اوز تبریک لری میز نی بلدرماقده میز" دییه قید ایتیلدی.
وزیرلیک سوزلاوچیسی مری حرف, بیرگن بیانات لری ده, ترکیه ده خلق نینگ ایلک مراتبه مستقیم بیر شکل ده اوز رایی بیلن جمهوررئیسی نی سیله گن لیگی گه دقت قره تدی.
اوکرائین جمهوررئیسی پترو پوروشنکو, مقدونیا جمهوررئیسی گورگ ایوانوف, حماس نینگ سیاسی مسئولی خالد مشعل, ایتالیا باش وزیری ماتیو رنزی, یونان باش وزیری انتونیس ساماراس و قطر امیری شیخ تمیم بن حمد آل ثانی هم اردوغان گه قونگغراق قلیب اوز تبریک لری نی بلدردی.
کوسووا باش وزیری هاشم تاچی هم, باش وزیر اردوغان گه تبریکیه پیامی یوباردی.
فلسطین دولت رهبری محمود عباس هم بیر تلگراف یوباریب اوشبو مناسبت بیلن اردوغان گه اوز تبریک لری نی بلدردی.
افغانستان جمهوررئیسی حامد کرزی, جمهوررئیسی بولیب سیلنگن رجب طیب اردوغان گه اوز تبریک لری نی بلدردی.
مصر ده حربی کودتا بیلن اقتدار دن اوزاق لشتریلگن اولکه نینگ ایلک سیلنگن جمهوررئیسی محمد مرسی نینگ هم اردوغان گه اوز تبریک لری نی بلدرگن لیگی قید ایتیلدی.
تونس, لبنان, سومالیا, جیبوتی و ایتوپیا دن هم اردوغان گه تبریکیه پیام لری کیلدی.