ملی خوف سیزلیک کینگشی ییغیلیشی بولیب اوتدی

ترکیه جمهوریتی جمهوررئیسی عبدالله گل نینگ ریاستی آستیده چانکایا قصری ده جون آیی نینگ ملی خوف سیزلیک کینگشی ییغیلیشی بولیب اوتدی.
اوشبو ییغیلیش جریانی ده اساساً تروریزم نینگ اداغگه ییتیشتریلیشی بیلن علاقه لی آلیب باریلیتگن تینچ لیک پروسه سی و عراق بیلن سوریه ده گی ینگی لیک لر باره سید بحث ایتیلدی.
خودی منه شو ییغیلیش آرتیدن بیریلگن بیانات ده, اوشبو ییغیلیش جریانی ده تینچ لیک پروسه سی بیلن علاقه لی وضعیت نینگ بهالنتریلگن لیگی معلوم قلیندی.
اوشبو بیانات ده, خلق نینگ تینچ لیگی نی تهدید ایته دیگن فعالیت لر و اوشبو فعالیت لر گه قرشی آلینگن یاکه ایندی آلینه دیگن تدبیر لر خصوصیده کینگ کولملی اوله راق باش قاتریلگن لیگی قید ایتیلدی.
ییغیلیش جریانی ده عراق ده گی سونگگی وضعیت و ترکمن لرنینگ وضعیتی باره سیده هم بحث ایتیلگن لیگی بلدریلدی.
عراق ده گی مذهبی توقنشو لرنینگ آرتیب باریتگن لیگی باره سیده بحث ایتیلگن اوشبو ییغیلیش جریانی ده, عراق نینگ ارضی تمامیتی نینگ اسره لیب قالینیشی اوچون عراق خلقی گه قره تیلگن حمایه نینگ دوام ایته دیگن لیگی معلوم قلیندی.
اوشبو ییغیلیش جریانی ده عراق ده آلیب قاچیریلگن ترکیه نینگ موصل قونسلگرلیگی پرسونلی و ترک هیدوچی لرنینگ وضعیتی باره سیده هم بحث ایتیلدی.
خودی منه شو ییغیلیش نینگ باشقه بیر آجندا سی ایسه سوریه ده گی وضعیت دن عبارت ایدی.
شوندای قلیب سوریه ده گی وضعیت نینگ عراق ده گی ینگی لیک لر بیلن بولگن ارتباطی و منطقه گه قالدیره دیگن تاثیری باره سیده بحث ایتیلدی.
ترکیه – افریقا حربی علاقه لری باره سیده هم بحث ایتیلگن اوشبو ییغیلیش جریانی ده, بارباروس ترک تینگیز کوچی نینگ افریقا گه قیلگن سفری باره سیده کینگش گه معلومات بیریلدی.