بوگون تاریخده قنده ی ینگی لیک لر یوز بیردی؟ 30 جنوری

1933- ییل 30 جنوری ده, آلمان ده جمهوررئیس هیندنبورگ نازی حزبی نینگ رهبری ادولف هیتلر نی 12 اعضا دن تشکیل تاپگن ائتلافی حکومت نینگ باش وزیری ایتیب تعین ایتدی.      

1943- ییل 30 جنوری ده, انگلستان باش وزیری چرچیل, کازابلانکا کنفرانسی آرتیدن تورکیه جمهوریتی جمهوررئیسی عصمت این اونو بیلن اوچره شیش اوچون تورکیه گه کیلدی.  تورکیه نینگ ادانه ولایتی ده بولیب اوتگن اوچره شووده چرچیل, این اونو دن, بالکان لرده نازی لر گه قرشی ایککینچی جنگ نینگ باشله تیلیشی اوچون تورکیه نینگ هم اوروش گه قوشیلیشی نی طلب ایتدی.  عصمت این اونو ایسه, تورک اردوسی نینگ حاضرچه اوروش گه تیار ایمس لیگی نی بیلدیریب, چرچیل نینگ اوشبو طلبی گه منفی جواب قیتردی.  

1948- ییل 30 جنوری ده, هندوستان نینگ مستقل لیک رهبری مهاتما گاندی, ینگی دهلی ده اویوشتیریلگن بیر هجوم عاقبتیده جان بیردی.  هجومچی ناتورام گودسه ایسه افراطی بیر هندو ایدی. 

1972- ییل 30 جنوری ده, انگلیس عسکر لری شمالی آیرلند نینگ دیری شهری نینگ بوگسیده منطقه سیده ناراضی چیلیک نمایش لری اوتکزیاتگن قورالسیز کیشی لر گه قره ته اوق اوزدی.  تاریخ صفحه لری ده, "قانلی یکشنبه" دیب ثبت ایتیلگن اوشبو حادثه عاقبتیده 14 کیشی جان بیردی. قورال سیز عادی اهالی نینگ اولدیریلیشی شمالی آیرلند نینگ مستقل لیگی نی طلب ایتیاتگن آی آر ای نی قوراللی هجوم لری نی آرتیریش گه اونده دی.