بوگون تاریخده قنده ی ینگی لیک لر یوز بیردی؟ 23 جنوری

1556- ییل 23 جنوری ده, چین نینگ شمالغربیده, تاریخده "اینگ کوپ کیشی نینگ جان بیرگن زلزله" دیب ثبت ایتیلگن ییر قیمیرلش حادثه سی یوز بیردی.  8 ریشترلیک اوشبو زلزله حادثه سی عاقبتیده 830 مینگ کیشی هلاک بولدی. 

1973- ییل 23 جنوری ده, امریکا قوشمه ایالتلری بیلن شمالی ویتنام کوچ لری اورته سیده 10 ییل آلدین باشله گن "ویتنام اوروشی" پاریس ده امضالنگن آتشکیسین کیلیشووی بیلن اداققه ییتدی.  بیراق اوشبو آتشکیسین قیسقه بیر مدت دوام ایتدی.  1973- ییل مارچ آیی ده امریکا حربی لری نینگ ویتنام دن چیقیشی آرتیدن کمونیست ویتکونگ کوچ لری بیلن امریکا قوشمه ایالت لری تامانیدن قوللب- قوتله نیاتگن جنوبی ویتنام کوچ لری اورته سیده گی اوروش لر ایککی ییل دوام ایتدی.  1975-ییل 30 اپریل ده, شمالی ویتنام کوچ لری نینگ جنوبی ویتنام پایتختی سایگون نی قولگه کیریتیشی بیلن بیرگه "ویتنام اوروشی" بوتونلی اداققه ییتگن بولدی. 

1989- ییل 23 جنوری ده, اسپانیا نینگ اینگ مهم رسام لری دن بیری بولگن سالوادور دالی, 85 یاشیده حیات دن کوز یومدی.  دالی, پیکاسو بیلن بیرگه, رسام لیک بوییچه "سورئالیسم" دیب بیلینگن آقیم نینگ اینگ مهم شخصیت لریدن ایدی. 

2008- ییل 23 جنوری ده, یونان باش وزیری کوستاس کارامانلیس, تورکیه گه تشریف بویوردی.  کارامانلیس, 49 ییل کیین تورکیه گه تشریف بویورگن بیرینچی یونان باش وزیری دن عبارت بولدی.