بوگون تاریخده قنده ی ینگی لیک لر یوز بیردی؟ 16 جنوری

1804- ییل 16 جنوری ده, تنقیلی فرانسه لیک کیمیا و فزیک متخصصی جوزف لوئیس گی-لوساک هایدروجن بالونی نینگ ایچیده 7 مینگ 16 متر یوقاری گه چیقیش گه موفق بولدی.  کیینگی 50 ییل لیک مدت مابینیده هیچ کیمسه بونده ی بیر موفقیت قولگه کیریته آلمه دی. 

1928- ییل 16 جنوری ده, سابق سویت اتفاقی ده ستالین اقتدار نی قولگه کیریتدی.  آره سیده ستالین گه قرشی کوره شگن لیو تروچکی نینگ هم موجود بولگن مخالف سیاستچی لرنینگ تبعید ایتیلیشی گه قرار قیلیندی.  20 جنوری ده تبعید ایتیلگن تروچکی, عیالی و اوغلی بیلن بیرگه 14 فبروری ده تورکیه گه کیلدی.  تروچکی 4 یریم ییل تورکیه نینگ استانبول شهریده یشه دی. 

1970- ییل 16 جنوری ده, لیبیا ده 1969- ییل ده گی کودتا بیلن اقتدار نی قولگه کیریتگن معمرالقذافی, ینگی اساسی قانون نینگ کوچ گه کیریشی بیلن بیرگه باش وزیرلیک و مدافعه وزیرلیگی وظیفه سی نی اوز ذمه سی گه آلدی.  40 ییل دن آرتیق بیر مدت بیلن لیبیا نینگ بیرته گینه رهبری بولیب کیلگن قذافی, 2011- ییل ده لیبیا ده عصیان باشله شی آرتیدن سرت شهری گه قاچیب کیترایکن, خوددی شوو ییر نینگ اوزیده اولدیریلدی. 

1991- ییل 16 جنوری ده, امریکا قوشمه ایالتلری و متفق لری کویت نی اشغال ایتگن عراققه قرشی "چول طوفانی" عملیاتی نی باشلتدی.  اوشبو دایره ده عراق بمباران قیلینرایکن, راکت لر بیلن هم اوریلدی.  اوشبو عملیات نینگ باشله شی آرتیدن عراق اردوسی هم اسرائیل نی راکت بیلن اوردی.