بوگون تاریخده قنده ی ینگی لیک لر یوز بیردی؟ 9 جنوری

1905- ییل 9 جنوری ده, روسیه ده ایککینچی نیکولای نینگ سن پترزبورگ ده گی قیشلیک قصری نینگ اونگیده توپلنگن مینگلب ایشچی, عیال و باله لر گه قره ته خوفسیزلیک کوچ لری تامانیدن اوق اوزیلدی.  رسمی معلومات لر گه کوره, روسیه تاریخیده "قانلی یکشنبه" دیب ثبت ایتیلگن اوشبو حادثه عاقبتیده 139 کیشی جان بیردی.  "قانلی یکشنبه" آرتیدن ایسه ایشچی لر اعتصاب قیلدی.  شونده ی قیلیب جاپان بیلن دوام ایتیاتگن اوروش و اعتصاب لر سببلی روسیه ده سیاسی بیر بحران باشله دی. 

1964- ییل 9 جنوری ده, پانامه کانالی و تیگره گی نینگ باشقریلیشی توغریسیده محللی خلق بیلن امریکا قوشمه ایالتلری اورته سیده پیدا بولگن کیلیشموچیلیک قوراللی توقنه شوو گه ایله نیب کیتدی.  یوز بیرگن حادثه لر عاقبتیده 21 نفر پانامه لیک و 3 نفر امریکا لیک جان بیردی. 

1964- ییل 9 جنوری ده, تورک ملتی نینگ ملی نجات اوروشی نی, "تورک لرنینگ آتش بیلن امتحانی" و آتش دن کویلک" اسمی گه ایگه رمان لری بیلن یاریتیب بیرگن خالده ادیب آدی وار 80 یاشیده تورکیه نینگ استانبول ولایتیده حیات دن کوز یومدی.  خالده ادیب, ایری عدنان آدی وار بیلن بیرگه ملی نجات اوروشی گه اشتراک ایترایکن, آلدین "اونباشی", کیین ایسه "چاووش" رتبه سی گه ایگه بولگن.