بوگون تاریخده قنده ی ینگی لیک لر یوز بیردی؟ 16 نوامبر

1532- ییل 16 نوامبرده, اسپانیالیک قوماندان فرانسیسکو پیزارو, 168 کیشی دن تشکیل تاپگن آدم لری بیلن 80 مینگ کیشیلیک اردو نینگ قوماندانی بولگن اینکا امپراطوری آتاهوالپا نی مغلوبیت گه اوچره تیب اوشلَب آلدی. 

1849- ییل 16 نوامبرده, روسیه ده محکمه "جرم و جزا" رمانی نینگ یازوچیسی فیودور دوستویفسکی نی حکومت گه قرشی فعالیت لری سببلی اعدام گه محکوم ایتدی. 

1922 - ییل 16 نوامبرده,   اشغالچی اردو لرنینگ باش قوماندانی جنرال هارینگتون گه مراجعه قیلگن عثمانی دولتی نینگ سونگگی پادشاهی وحدالدین, استانبول ده جانی نینگ خطرده ایکن لیگی و شوباعث انگلستان گه کیتیش نی طلب قیلیاتگن لیگی نی رسماً بیلدیردی. 

1938- ییل 16 نوامبرده, 10 نوامبر کونی وفات ایتگن تورکیه جمهوریتی نینگ اساسچیسی مصطفی کمال اتاتورک نینگ نعشی استانبول ده گی دولمه باغچه قصری گه قویلدی.  تورک ملتی اتاتورک نی سونگگی مرته کوریش اوچون دولمه باغچه قصری گه کیله باشله دی. 

1967- ییل 16 نوامبرده, امریکا قوشمه ایالتلریده گی خلق ارا شعر انجمنی فاضل حُسنو داغلرجه نی یشیاتگن اینگ کتته تورک شاعری ایتیب سیله دی. 

1993- ییل 16 نوامبرده, روسیه جمهوررئیسی بوریس یلتسن, لنین موزیمی نی یاپیب قویدی. 

2009- ییل 16 نوامبرده, 11 نوامبر کونی امتحانی نشراتی نی باشلتگن تی آر تی موزیک چینلی منظم نشراتی گه باشله دی.