تاریخده بوگون 13- نوامبر قیسی حادثه لر یوز بیرگن؟
تاریخده بوگون
13- نوامبر
1906-ییل 13-نوامبر کونی فرانسه‌لیک اختراعچی پا‌ول کارنو، بیرینچی مراتبه بایسکیل اوستیگه دیزا‌ین قیلگن تیک اوچرنی اوچیردی.
1920-ییل 13-نوامبر کونی بیرینچی جهان اوروشی آرتیدن تشکیل تاپیشی حقیده قرار قبول قیلینگن ملتلر جمعیتی نینگ ژنیوه‌ده‌گی مرکزی دنیا نینگ 41 دولتی نینگ 5 مینگ نفر وکیلی نینگ اشتراکیده طنطنه‌لی مراسم بیلن آچیلدی.
1956-ییل 13-نوامبر کونی امریکا قوشمه ایالتلری عالي سودی الابه‌مه ایالتیده‌گی اتوبوسلرده آق و قاره تنلیلر اورته‌سیده عرقچیلیککه یول آچگن قانوننی بیکار قیلدی. بو قرار امریکا قوشمه ایالتلریده‌گی عرقچیلیک نینگ برطرف قیلینیشیگه یاردم بیردی.
1966-ییل 13-نوامبر کونی تانکلر بیلن قوللب-قوّتلنگن اسرائیل عسکرلری اردون نینگ چیگره‌سیدن اوتیب 4 مینگ کیشیلیک سا‌مو قیشلاغی اهالیسیگه قرشی هجوم اویوشتیردی. هجومده تینچ اهالیدن یوزلب کیشی قتل قیلیندی.
1970-ییل 13-نوامبر کونی تیزلیگی ساعتیگه 240 کیلومترنی تشکیل ایتگن بهاله طوفانی عاقبتیده بنگلدیشده بیر کونده قریب 500 مینگ کیشی جان بیردی. مذکور طوفان 20- عصر نینگ اینگ ییریک طبيعي آفتی صفتیده تاریخ صحیفه‌لریدن ا‌ورین آلدی.
1970-ییل نینگ 13-نوامبر کونی سوريه‌ده‌گی باس حزبی نینگ عسکری قنادی نینگ رهبری حافظ اسد، تونتریش آرقه‌لی مملکت ییتکچیلیگینی قولگه کیریتدی.
1985-ییل نینگ 13-نوامبر کونی کولمبیا‌ده Nevado del Ruiz وولقانی پارتلب کیتدی. او ایریتگن قار ارمیرا شهری نینگ بلچیق - لای آستیده قالیشیگه یول آچدی. حکومت نینگ کوچیریش حقیده‌گی قرارینی بیکار قیلیشی نینگ آرتیدن شهردن هیچ یاققه چیقالمه‌گن تینچ اهالیدن 25 مینگ کیشی هم بلچیق - لای آستیده قالیب، جان بیردی.
2009-ییل نینگ 13-نوامبر کونی ناسا، آی نینگ جَنوبي قطبیدن سوو تاپگنلیگینی بوتون دنیاگه اعلان قیلدی.
2015-ییل 13-نوامبر کونی فرانسه پایتختی پاریس نینگ تورلی منطقه‌لریده ترور هجوملریگه دوچ کیلیندی. القاعده‌گه اعضا تروریستلر تامانیدن اویوشتیریلگن هجوملر عاقبتیده 138 کیشی جان بیردی. جان بیرگنلردن تشقری 413 کیشی تن جراحتی آلدی. جان بیرگنلردن 8 نفری هجومچی لردن عبارت.
