بوگون تاریخده قنده ی ینگی لیک لر یوز بیردی؟ 9 نوامبر

1936- ییل 9 نوامبرده, تورکیه نینگ استانبول و چنق تنگه لری حاکمیتی نینگ گرنتی ایتیلگن مونترو کیلیشووی کوچ  گه کیردی.  اوشبو کیلیشوو دایره سیده خوددی شوو تنگه لرنینگ حاکمیتی بوتونلی تورکیه گه تاپشیریلدی. 

1938- ییل 9 نوامبرده, آلمان ده نازی رهبریتی نینگ یهودی لر گه قرشی "کریستال کیچه" نامیده گی حمله لری باشله دی.  ایککی کون لیک بیر مدت مابینیده بیرته گینه برلین نینگ اوزیده 7 مینگ دوکان یغمالَندی و کوپلب یهودی اولدیریلدی.  آلمان سطحیده ایسه 200 دن آرتیق کنیسه یاقیلدی. 

1985- ییل 9 نوامبرده, گاری کاسپاروف, اناتولی کارپوف نی مغلوبیت گه اوچره تیب شطرنج ساحه سی بوییچه جهان قهرمانی بولدی.  کاسپاروف نینگ اوشبو عنوانی 15 ییل لیک بیر مدت بیلن دوام ایتدی. 

1989- ییل 9 نوامبرده, شرقی آلمان حکومتی نینگ ایککی آلمان اورته سیده ایرکین سیاحت اوچون امکانیت یره تیب بیریشی آرتیدن, مینگلب کیشی برلین دیواری آرقه لی فدرال آلمان گه اوته باشله دی. 

1993- ییل 9 نوامبرده, یوگسلاویا ده گی ایچکی اوروش لر جریانیده کرواسیالیک لر تاریخی موستار کوپریگی نی توپ بیلن اوریب ویران قیلدی.  اوشبو کوپریک 1566- ییلده بوسنیا- هرزگوینا نینگ عثمانی دولتی نینگ حاکمیتی آستیده بولگن پیتده قوریلگن ایدی.  خوددی شوو تاریخی کوپریک 2004 – ییلده تورکیه تامانیدن قیته قوریلدی. 

2016- ییل 9 نوامبرده, امریکا قوشمه ایالتلریده گی سیلاو لر نتیجه سیده جمهوریتچی حزبی نینگ کاندیدی دونالد ترامپ موفقیت کسب ایتدی.  شونده ی قیلیب ترامپ امریکا قوشمه ایالتلری نینگ قیرق بیشینچی دولت رهبری ایتیب سیلندی.