بوگون تاریخده قنده ی ینگی لیک لر یوز بیردی؟ 27 جولای

1302- ییل 27 جولای ده, عثمانی بیکلیگی بیلن بیزانس امپراطورلیگی اورته سیده اوروش باشله دی.  اوشبو اوروش نتیجه سیده عثمان غازی غلبه قازاندی. 

1921- ییل 27 جولای ده, تورونتو عالی بیلیم یورتی نینگ بیوکیمیا متخصصی فریدریک بانتینگ باشچی لیگی ده گی محقق لر, انسولین هورمونی نی تاپگن لیک لری نی بیلدیردی. 

1964- ییل 27 جولای ده, امریکا قوشمه ایالتلریده قاره تنلی لر, فدرال محکمه گه مراجعه قیلیش حقی گه ایگه بولدی. 

1976- ییل 27 جولای ده, امریکا قوشمه ایالتلری گه سفر قیلگن تورکیه نینگ جمهوریت خلقی حزبی نینگ رهبری بولَنت اَجَویت گه, امریکا ده گی والدورف استوریا هوتل ده معروضه قیلیاتگن پیتده قبرس روم تامانیدن بولگن ستاویروس سکوپیتریدیس تامانیدن حمله قیلیندی. 

1996- ییل 27 جولای ده, اتلانتا اولمپیاد پارکیده یوز بیرگن انفجار حادثه سی عاقبتیده ایککی کیشی جان بیردی.  حادثه محللی گه چاپیب بارگن تورکیه ملی رادیو تلویزیونی یعنی تی آرتی نینگ کمره مینی ملح اوزون یول هم قلبی سکته سببلی حیاتی نی یوقاتدی.