ایردوغان نینگ کورفز سفری حقیده بیر تحلیل یازووی
تحلیل و تیکشیروو
ایردوغان نینگ کورفز سفری
جمهور باشلیغی ایردوغان سیلاو یوتوغی نینگ آرتیدن ایلک باسقیچلریده سیاستده ناتوگه ماسلنر ایکن اوزاق مدتدن بیری کوتیلگن تورکیه نینگ اقتصادی و سیاسی جایگاهی جهتیدن جوده تاثیرلری بولیشی کوتیلگن کورفز توریگه چیقدی. سعودی عربستان، بیرلشگن عرب امیرلیکلری و قطرگه سفر قیلگن ایردوغان یانیده گی هیئاتلر بیلن بیرگه لیکده جوده ییریک کیلیشوولرگه قول قویدی. بو سفر و آلیب باریلگن کیلیشوولرنینگ تورکیه نینگ ستراتیژیک و اقتصادی کوچینی کوپه یتیره دیگن بیر جریان نی باشله تگن لیگینی ایتیش ممکن.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.
جمهور باشلیغ ایردوغان 3 کون سورگن کورفز توری دایره سیده 3 اولکه گه سفر اویوشتیردی. سفرلرنینگ اساسی کون ترتیبی منطق ی ینگیلیکلر قاله ویرسه حربی، سیاسی و اقتصادی مناسبتلر بولدی. جمهور باشلیغی نینگ ایلک سفری سعودی عربستان گه بولدی. ایردوغان بو جایده قرال سلمان بن عبدالعزیز آل سعود بیلن بیرگه لیکده ولیعهد شهزاده محمد بن سلمان بیلن اوچره شوو اوتکزدی. سعودی عربستان – تورکیه تجارت پروگرامی گه قتنشگن ایردوغان مهم حربی، سیاسی و اقتصادی کیلیشوولرگه قول قویدی. اینیقسه تورکیه نینگ اینگ مهم درون ایشلب چیقرووچیسی بایقر شرکتی بیلن سعودی عربستان اورته سیده ینگی نسل درونلر بولمیش آقینچیلرنی هم اوز ایچی گه آلگن ساتیش، تعلیم و مشترک تولید کیلیشوولریگه قول قوییلدی. بایقر باشلیغی خالق بیراقدار بیرگن بیاناتده بو کیلیشوونینگ تورک مدافعه صنایعی نینگ بیر قلمده قیلگن اینگ ییریک کیلیشوو ایکن لیگینی افاده ایتدی. ینه ایردوغان نینگ هیئاتیده بولگن وزیرلر تیگیشلی مقاملر بیلن مهم کیلیشوولرگه قول قویدیلر.
کیین قطرگه اوتگن ایردوغان قطر امیری آل ثانی بیلن اوچره شدی. جمهور باشلیغی دوحه ده اویوشتیریلگن قطر – تورکیه تجاری پروگرامی گه قتنشیب صحبت قیلدی. قطر بیلن هم ینگی بیر قطار کیلیشوولرگه قول قوییلدی.
ایردوغان نینگ سونگگی سفری بیرلشگن عرب امیرلیکلری بولدی. بیرلشگن عرب امیرلیکلری دولت باشلیغی محمد بن زاید بیلن اوچره شگن ایردوغان ابوظبی ده اویوشتیریلگن بیرلشگن عرب امیرلیکلری – تورکیه تجاری پروگرامی گه قتنشدی. اوچره شوولرنینگ مطبوعات گه عکس ایتگن اینگ حجمی بلند کیلیشوولرنینگ بیرلشگن عرب امیرلیکلری بیلن بولگن لیگی کوریله دی. بیریلگن رسمی بیاناتلرگه کوره تورکیه بیلن بیرلشگن عرب امیرلیکلری اورته سیده 50،7 میلیارد دالرلیک کیلیشوو بولیب اوتدی. بیرلشگن عرب امیرلیکلری نینگ تورکیه ده یوزبیرگن ییر سیلکینیشیده قیته قوریش ساختمانلریده ایش آلینه دیگن اقتصادی منبع تقدیم ایتیشی قاله ویرسه مدافعه صنایعی، ترانسپورت، ساغلیک، آست قوریش، توریزم کبی کوپلب ساحه ده بلند حجملی کیلیشوولرگه قول قوییلدی. بیرلشگن عرب امیرلیکلری نینگ تورکیه ده مهم درجه ده سرمایه کیریتیشلر قیلیشی گه قرار قبول قیلیب آلینگن شکللی. ینه بایقر قاله ویرسه بیرلشگن عرب امیرلیکلری نینگ تورکیه دن جدی بیر قورال ساتیب آلیش اوچون کیلیشوولرگه قول قوییلگن لیگی بیلدیریلدی.
ایردوغان برچه بو سفرلریده تورکیه نینگ ینگی اعتبار محصولی بولمیش توگ نی هم مخاطبلریگه تحفه قیلیب بیردی.
عموماً قره گنده ایردوغان نینگ کورفز سفری یوتوقلی ایکن لیگی، تیگیشلی اولکه لر بیلن جدی بیر ستراتیژیک شریکلیک نینگ ایجاد ایتیش گه باشلنگن لیگی کوریله دی. قطر بیلن اوزاق مدتدن بیری دوام ایتیب تورگن ستراتیژیک شریکلیک ایجاد ایتیلر ایکن اینیقسه سعودی عربستان و بیرلشگن عرب امیرلیکلری بیلن بونی ایتیش ممکن. منطقو نورماللشوو قاله ویرسه بیر متفقلیک و شریکلیک مناسبتی گه قره ب بارگن لیگی کوریله دی. تامانلر منفعتلرنی ینگی دایره ده بیر بیری گه ایشانچ بیرر ایکن مشترک تهدیدلر هم بو بیرگه لیک که تشویق بوله دی.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.
