تورکیه سیلاولری و نتیجه لری

 14 می سیلاولری و نتیجه لری

تورکیه تاریخی اهمیت گه سزاوار بیر سیلاونی دموکراتیک فضا ایچیده اوتکزدی. برچه دنیا پایتختلری تورکیه ده گی سیلاولرنی یقیندن تعقیب ایتدی. 88،92 فایز قتنشووچی بیلن ملی اراده صندوققه عکس ایتدی و تورکیه دموکراسیسی ینه بیر مرته کوچینی کورستدی. جمهور باشلیغی ایردوغان 49.5 فایز بیلن ایککینچی اورینده گی کمال قلیچداراوغلیدن 5 فایز کوپ آلدی. بو نتیجه جمهور باشلیغی ایردوغان نینگ ایککینچی تورده ایککی فرصت بیلن رقابت قیلیش معناسیگه کیله دی. مجلسده کوپچیلیک نی قولگه کیریتیش بولدی. شونده ی بولیب 0،5 فایزگه ضرورتی بولگن ایردوغان نینگ ایککینچی تورنی راحت آلیشی کوتیلماقده. ایردوغان نینگ حزبی نینگ بناسی نینگ بالکونیده گی صحبتی نینگ کینگ و اوزیگه ایشانچلی بیاناتلری بونی کورسته دی. بو ایسه ایککینچی تور کمپاینی گه یخشی بیر باشلنغیچ بولدی.  

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایته میز.

مخالفت ایسه کوپلب جهتدن اوتیلگن وضعیتده. مخالفت تامانیدن اجتماعی ترماقلر، شرکتلر و میدیالری آرقه لی اوزینی یوقاری کوتریشی سیلاوده روحیه لرینی ییرگه اوردی. هم مجلسده بیرینچی بولیش همده قلیچداراوغلی نینگ 55 فایز بیلن بیرنچی تورده یوتوق قازانیش تبلیغلری جمهوریت خلق حزبی و قلیچدار اوغلی گه سیلاوچیلری نینگ عکس العمل کورستیشی گه سبب بولیشی ممکن. سیلاو کونی کیچه سی مخالفت تامان نینگ نماینده لری نینگ بیاناتلری اوز سیلاوچیلرینی متاثر قیلدی. امام اوغلی؛ یاواش و قلیچداراوغلی نینگ سیلاو نتیجه لریگه قره ته ادعالری (قلیچداراوغلینی 13 – جمهور باشلیغی ایتیب اعلان قیلیشلری) ایککینچی تور اوچون جوده یمان بیر باشلنغیچ بولدی. مخالفت ینگی بیر سیلاو اوتکزه دیگن شکلده بیر کمپاین آلیب بارماقچی بوله دی. ایککینچی تور سیلاولرنینگ کمپاین جریانی گه ایردوغان نینگ عکسینچه ایلک کونی کیچه سلبی بیر جریان بیلن باشله دیلر. قلیچداراوغلی نینگ ایککی بلدیه باشلیغی و 5 ته حزب رهبرلری بیلن نمایان بولیب 1 دقیقه 51 ثانیه ده گی بیاناتلریده ایردوغاننی عیبلش و "ایککینچی تورده آله میز" ادعالریدن بشقه نرسه بولمه یدی. «بو جایده من» ویدیوسی بیلن قلیچداراوغلی ایککینچی تورگه کوره کوپراق جمهوریت خلق حزبی رهبرلیگی اوچون پیام بیرگن کوریله دی. ملت اتفاقی حزبلری نینگ سیلاوچیلرینی ایککینچی تورگه آلیب باریش قلیچدار اوغلی جهتیدن جوده قیین بوله دی.

قلیچداراوغلی کیلگوسی کونلرده 44 فایزگه قره ب یخشی نتیجه آلگن لیگینی ایتماقچی بولسه ده جمهور باشلیغی کاندیدی کورستگن بیر حزب نینگ جمهوریت خلق حزبی نینگ رای نینگ 25 فایزده قالیشی جدی بیر معما. بو نتیجه 4 راستگرا حزب نی جمهوریت خلق حزبی نینگ لیستی گه کیریتگن حالده کیلگن نقطه بو.

راستگرا حزبلر 34-35 ملت وکیل چیقریب یخشی یوتوق آلگن لیکلرینی کورستدیلر. بیراق جمهوریت خلق حزبی سیلاوچیلری بو حزبلرگه تحمل قیلیشی مکافات کورالمه دی. آقشنر قلیچداراوغلینی قازانمسلیگینی اعلان قیلگندی، ایندی حقلی ایکن لیگی کوریله دی. امام اوغلی یاواش نی یانی گه آلیب حزب نینگ رهبرلیگی گه تیارگرلیک کورماقده می بونی بیلمه یمیز.

سیلاونینگ ایریم بیر مهم نتیجه سی ملیتچی سیلاوچی نینگ سیاسی توازنلرگه اوز آغیرلیگینی حس ایتتیریشی دیر. اینیقسه ملیتچی حرکت حزبی 10 فایز رای قولگه کیریتیب بیزنی ایمس بعضی بیر تیکشیرووچیلرنی شاشیردی. ایی (یخشی) حزب 10 فایزگه یقین رای آلدی. اوغان 5 فایز رای آلیب ملیتچی سیلاوچی تامانی نینگ تعیین قیله جگینی کورستدی. جمهور اتفاقی نینگ کوپراق رای نی قولگه کیریتیشی و یشیل چپگرا حزب HDP (YSP) نینگ 8 فایزگه توشیشی بیلن یشیل چپگرا حزبی نینگ کلیدی اورینده بولیش ادعالری بوتونله ی یوقالیب کیتگن شکللی. عکسینچه یشیل چپگرا حزبی بیلن بیرگه لیکده یوروگن کاندیدنینگ ناموفق بوله جگی انیق بولدی.

البته کی 14 می سیلاولریده هم یوتوق قازانگن تامان ایردوغان و آق حزب. 21 ییللیک اقتدار یوکی بولگن حالده آق حزب 35 فایزنینگ اوستیده راق آلرکن جمهور اتفاقی 50 فایزگه و مجلسده کوپچیلیک نی قولگه کیریتدی. ایردوغان ایککینچی تورگه جوده راحت کیره دی. ینه ملیتچی حرکت حزبی نینگ 10 فایز رایی، ینگیدن رفاه حزبی نینگ 2،8 و بویوک بیرلیک حزبی نینگ 1 فایز قولگه کیریتیشی ایردوغان بیلن بیرگه لیکده حرکت قیلگن حزبلرنینگ یوتوق قازانگن لیگینی کورسته دی. ایردوغان نینگ سیلاو ظفری فقط اوزی نینگ اوتمیشده گی سیلاو یوتوقلری بیلن رقابتده. بیر حزب نینگ عین رهبر بیلن دواملی 26 ییللیک دموکراتیک اقتدارگه ایریشیشی تورکیه و دنیا تاریخیده یوز بیرمه گن بیر حادثه بولدی.

ایککینچی تور نتیجه لری تورکیه سیاستی بیلن تیگیشلی انچه موضوعنی کون ترتیبی گه کیلتیره دی.

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایتدیک.