پنجه قلیچ هوا عملیاتی

پنجه قلیچ هوا عملیاتی

ترور تشکیلاتی پی کا کا نینگ سوریه ده گی آست ترماغی وای پی جینی استعمال قیلیب استانبولده اویوشتیرگن تروریستیک هجوم نینگ آرتیدن کوتیلگن جزالنتیریش حمله سی کیلدی. ملی مدافعه وزیرلیگی تامانیدن بیریلگن بیاناتده، تورکیه قوراللی کوچلری، پنجه قلیچ هوا عملیاتینی باشله تیب سوریه و عراقده گی پی کاکا/وای پی جی گه باغلیق هدفلرنی بمباردمان قیلدی. حلی گچه بیش یوز اطرافیده جای اوریلدی 250 اطرافیده تروریست جنگری نینگ حیاتینی یوقاتگن لیگی بیلدیریلدی. عملیات 1200 کیلو متر چیگره خطیده 150 کیلو متر ایچکریده کینگ بیر ساحه نی اوز ایچی گه آرکن، پی کاکا/وای پی جی قورقوو ایچیده بولگن وضعیتده...

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

ترور تشکیلاتی پی کاکا، تورکیه اردوسی تامانیدن سوریه و عراقده اوتکزگن عملیاتلر و میت توغریدن توغری ییتکچیلرینی آماج قرار بیرگن سری محاصره آستیگه قالیب بارگن. اینیقسه عراق نینگ شمالیده زپ منطقه سیده آغیر تلفاتلر بیریب اوزی اوچون ستراتیژیک بیر منطقه بولگن جاینی قولدن بیرگندی. بونی هزم قیلالمه گن ترور تشکیلاتی انتقام آلیش اوچون تورکیه نینگ کتته شهرلریگه تروریستیک هجوم اویوشتیریش اورونیشیده بولدی. تورکیه کوپلب تروریستیک هجومی گه مانع بولگن بولسه ده بالآخره استانبول تقسیمده بیر تروریستیک هجومی اویوشتیریب کوپلب تینچ اهالی نینگ اولیب یره لنیشی گه سبب بولدی.

تورکیه بو هجوم گه جوده قتّیق جواب بیردی. پنجه – قلیچ هوا عملیاتی دیب اته گن بیر جزالنتیریش عملیاتی باشله تدی. عراق و سوریه نی اوز ایچیگه الگن بو عملیات 1200 کیلو متر چیگره خطیده 150 کیلو متر ایچکریده کینگ بیر ساحه هوادن اوریلدی. ملی مدافعه وزیرلیگی تامانیدن بیریلگن بیاناتده ایلک 3 کون ایچیده بیش یوز اطرافیده جای اوریلدی 250 اطرافیده تروریست جنگری تاثیرسیز وضعیت گه کیلتیریلدی. سوریه ده تلف رفات، منبج، عین العرب، عین العیسی، قمیشلی و مالیکیه منطقه لردن عراقده حاکروک، قندیل و اسوس گچه بولگن بیر ساحه اوریلدی. پی کاکا/وای پی جی نینگ بونقه آغیر جزالنتیریش عملیاتی کوتمه گن لیگی و آغیر تلفات بیلن قورقوو ایچی گه کیرگن لیکلری کوریله دی.

اونلب اوچاق و درونلر بیلن قومنده کنترول مرکزلری، حربی مرکزلر، تعلیم ساحه لری، مهمات دیپولری و تونللر آماج قرار بیریلدی. تورکیه قوراللی کوچلری ایلک پی کاکا/وای پی جی نینگ سوریه ده گی انرژی آست قوریش و تیگیشلی تاسیساتلرینی هم اوریش گه باشله دی. اینیقسه مالکیه – قمیشلی خطیده نفت قودوقلری، ذخیره لر و گاز ساحه لری ویران قیلیندی. ینه 75 کیلومتر ایچکریده گی دایرالزور منطقه سی اوریلدی و شونده ی بولیب پی کاکا/وای پی جی نینگ یات آتیده گی امریکالیک حربیلر تامانیدن تعلیم بیریلگن عنصرلرنینگ مرکزی هم درونلر آرقه لی نشان آلیندی.

تورکیه هوادن و ییردن پی کاکا/وای پی جی گه قره ته کینگ کولملی جزالنتیریش عملیاتلریگه دوام ایتماقده. بیراق ترور تشکیلاتی هم تینچ اهالینی آماج قرار بیریب جواب بیریش اورونیشیده دیر. عین العرب منطقه سیدن قارقمیش ده گی تینچ اهالی گه قره ته هجوملر اویوشتیردیلر. ینه العزیز شهری هم آماج قرار بیریلگن لیگی کوریلدی. حربی اوله راق تورکیه قوراللی کوچلریگه قرشی بار بوله آلمه گن ترور تشکیلاتی تینچ اهالینی اماج قرار بیریب اوزینی کورسه تیش اورونیشیده دیر. بیراق تینچ اهالی گه قره ته بو هجوملر تورکیه نینگ تروریزم گه قرشی کوره شده گی قرارلی لیگینی تاباره کوپه یتیره دی. جمهور باشلیغی بیرگن بیانات بیلن ییر عملیاتینی هم اشاره قیلدی. ایردوغان بیر مدت آلدین ییر عملیاتی بیلن تیگیشلی بیانات بیررکن، بیراق پوتین نینگ بشارالاسد رژیمی بیلن اوچره شیش تکلیفینی قبول قیلیب عملیاتنی توخته تیب قویگندی. بو اوتگن مدت ایچیده رژیم بیلن هیچ بیر اوچره شوو بولمه دی. بیراق سونگگی هوا عملیاتیده پی کاکانینگ یانیده بولگن انچه رژیم حربیسی اولدیریلدی. نتیجه ده تورکیه ملی خوفسیزلیگینی اورنه تیش و هجوملرنی بوتونله ی توخته تیب قوییش اوچون کینگ کولملی ییر عملیاتی بیلن پی کاکانی چیگره خطیدن بوتونله ی تمیزلشی کیره ک دیر.

خلق ارا کوچلر تورکیه نینگ یانیده بولگن خوددی شو باسقیچده تورکیه قوراللی کوچلری نینگ ییر عملیاتی باشله تیشی کوتیله دی. دستلبکی هدفلر ایسه تل رفات، منبج و عین العرب...

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.