تورکیه ده وقتیدن آلدین سیلاو بولیب اوته دی
تحلیل و تیکشیروو 17
تورکیه ده وقتیدن آلدین سیلاو بولیب اوته دی
عراق و سوريه بیلن علاقه‌لی اوزگریشلر، تورکيه نینگ اهمیتینی و بو نینگ بیلن بیرگه‌لیکده اعتبارینی ینه هم آرتتیره‌دی. بونده‌ی بیر حساس جریانگه تورکيه نینگ سیلاو یوکی بیلن کیریشی ینه خوفلی بوله‌دی. 24- جون قراریده ایچکی حرکتلر قدَر چیگره بویی و منطقه بویلب صادر بوله‌یاتگن جدّي مسأله‌لر نینگ هم تأثیری بوله‌دی.منطقه‌ده ینگی نقشه‌لر چیزیلر ایکن، تورکيه سیلاو کمپاینلری بیلن وقت بای بیرمسلیگی کیره‌ک ایدی. تورکيه نینگ کورسه‌ته‌دیگن اینگ کیچیک بیر سیاسي، حربي، اقتصادي ضعیفلیک، امریکا قوشمه ایالتلری و دیموگرا‌فیک اوزگریش مقصدیده بولگن باشقه کوچلرگه تاریخي فرصتلر بیره‌دی. مدتدن آلدین سیلاو بو خوفگه قرشی آلینگن بیر قرار حسابلنه‌دی.
سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.
عراق و سوريه‌ده‌گی سیاسي موازنتلر برقرار بولمه‌گن تقدیرده، تورکيه نینگ اینیقسه جنوب چیگره‌سیگه قره ته جدل بیر تشقی سیاست تعقیب ایتیش کیره‌ک. جغرافیک بیر تقدیر-قسمت بولیشی، تورکيه غربلیک اولکه‌لر کبی آلتی آیلیک بیر جریاندن کیین حکومت توزیش کبی وقتی یوق. سیاسي برقرارسیزلیک نینگ نتیجه‌سی جوده آغیر بولگن یقین شرق جغرافیه‌سیده، فعال سیاست یوریتیش جوده مهم‌دیر.
ینگی تیزیمگه اوته‌دیگن 24- جون سیلاولری، تورکيه نینگ منطقه‌ده‌گی سیاستینی ینه هم فعال قیلیشی کوتیلماقده. 2 آیلیک قیسقه بیر مدت حتا، تورکيه نینگ سیلاو کمپاینی بیلن شغله‌نیشی نظرده توتیلسه منطقه‌ده‌گی موازنتلرنینگ اوزگریشیگه یول آچه‌دی. فقط عراق و اینیقسه سوريه نینگ کیله‌جگی کیلگوسی ییللرده شکله‌نیشی کوتیلماقده. تورکيه سیلاونی مدتدن آلدینگه آلیب، منطقه‌ده ینگی خریطه‌لر چیزیلیب امر واقعه‌لرگه توسیق بولیشدیر.
سوريه ساحه‌سیده امریکا قوشمه ایالتلری، پی کاکا نینگ سوريه قناتی بولگن YPGلیک ترور تشکیلاتیگه قره‌ته اوزاق مدتلی سرمایه کیریتیش ریجه‌لری، روسیه و ایران بشارالاسد حکومتی نینگ وضعیتینی مستحکملش مقصدی و اسرائیل نینگ منطقه‌ده‌گی سیاستی جهتیدن، تورکيه اوز ملي منفعتلرینی حمایه قیلیش اوچون قدملر تشلشی کیره‌ک. آستانه جریانی بیلن روسیه، ایران و تورکيه سوريه‌ده‌گی توقنه‌شوو شرایطینی برطرف قیلیش و سیاسي ییچیم اوچون زمین تیارلشگه حرکت قیلر ایکن، امریکا قوشمه ایالتلری ایسه YPG واسیله‌سی بیلن فرقلی مقصدلری باردیر. 2017 ییلی نینگ آخریده امریکا قوشمه ایالتلری تامانیدن معاشلری توله‌نگن 65 مینگ نفر YPGلیک تروریست نینگ تعلیمینی ریجه‌له‌گن پنتاگون، سوريه نینگ تمامیت ارضی و تورکيه نینگ ملي خوفسیزلیگینی تهدید ایتماقده.
سوريه‌ده داعش و YPGدن تشقری ترور تشکیلاتلری عموماً برطرف قیلینیشی، خلق‌ارا کوچ اوروشیدن سونگره نظام نینگ قنده‌ی توزیلیشی جهتیده قدملر تشلنیشگه یونه‌لدی.
کتّه احتمال بیلن بیر نیچه ییل دوام ایته‌دیگن بو جریاندن سونگره سوريه نینگ و منطقه نینگ کیله‌جگی بیلگیلنه‌دی. تورکيه نینگ سوريه‌گه اینگ ییریک چیگره ایگه قوشنی بولیشی سببلی، تورکيه نینگ بو جریانگه اوزی نینگ اره‌لشیشی لازم. سیلاو نینگ مدتدن آلدین اوتکزیلیشی بیلن بیرگه‌لیکده تورکيه بو جریان ایچیده سیلاو کمپاینلری بیلن شغللنه‌دی و ینه فعال بیر تشقی سیاست آلیب باره‌دی.
عراق منطقه‌سیده پی کاکا موجوديتینی دوام ایتتیرماقده و تورکيه‌نی توغریدن تهدید ایتماقده.
تورکيه حالی حاضر پی کاکاگه قرشی عراق چیگره‌لری ایچیده حربي عملیات‌لر یوریتماقده. فقط عراقده‌گی سیلاولر طفیلی، حربي عملیات‌لر اندازه‌سی چیگره‌لیدیر. عراقده‌گی سیلاولردن کیین، تورکيه عراق مرکزي حکومتی بیلن برابر عراقده‌گی پی کاکا موجوديتینی یکونلش اوچون کوره‌شه‌دی.
بیر تاماندن قندیل تاغلری، باشقه تاماندن سینجار تاغی پی کاکا تامانیدن حربي مرکز صفتیده فایده‌لنیلماقده. تورکيه سیلاولرینی مدتدن آلدین اوتکزیش قراری آلیشی ، عراقده‌گی پی کاکاگه قرشی احتمالی حربي حرکت اوچون ینه کوچلی بیر جایگاه‌گه ایگه بوله دی.
عموماً، پارلمان تیزمی دموکراسیدن، جمهور رئیس لیک تیزیمیگه اوتیش جریانی، تورکيه نینگ بروکراسی‌سینی و حکومتینی ضعیف قیلیب سیکینلشتیره‌دی. اوتیش جریانی تیز بیر شکلده یکونلنیشی بیلن تورکيه ینه هم فعال، ینه هم تیز و برقرار سیاستلر ایشلب چیقریب تطبیق ایته‌دی. اینیقسه تشقی سیاست جهتیدن، سیاسي تیزیمگه اوتیش جریانی یکونله‌گندن کیین، تورکيه ینه هم کوچلی حالگه کیله‌دی.
سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.
