میکرو ملیتچیلیک تهدیدی

میکرو ملیتچیلیک تهدیدی

اروپا بیرلیگی اولکه لریده عرق چیلیک کون سایین حاکم بولیب بارماقده. آلمان، هالند و بلجیمدن کیین اتریشده هم خلق رایلرینی راستگرا عرقچی حزبلرگه بیردی.

اوتگن هفته اتریشده بولیب اوتگن سیلاولرده راستگرا و مسلمانلرگه قره ته نفرت جرمی سویه سیگه بارگن سیاست آلیب بارگن اتریش خلق حزبی موفقیت قولگه کیریتدی. ایککینچی اوریننی افراطی راستگرا و نازیست شعارلر ایگه سی اتریش ایرکین لیک حزبی قازاندی.

اوتگن آی المانده اوتکزیلگن سیلاولرده، مسلمانلرگه و اینیقسه تورکلرگه قرشی وقت – وقتی نفرت جرم لریگه بارگن شعارلرگه ایگه حزبلر موفقیت قولگه کیریتدی. حتی انسان حقلری و دموکراسی نینگ مدافعه چیسی ایکن لیگینی ادعا ایتگن آلمان سوسیال دموکراتلر هم مسلمانلر، خارجی ایشچیلر و مهاجرلرگه قرشی عرقچی شعارلر ارقه لی تبلیغ آلیب باردیلر.اتریش سیلاولری یینه بیر بار اروپا نینگ سرعتلی بیر شکلده عرق چیلیک که قره ب بارگنینی کورستماقده. 1945 – ییلیدن بویانگچه ساکن بیر باسقیچ اوتکزگن اروپانینگ عرقچی، نازیست و نفرت جرمی بولگن تبعیض گه قره ب باریشی هیچ شاشیلینچ لی کیلمس لیگی کیره ک.

بو قاره، یازمه تاریخدن بیری هیچ بیر وقت 100 ییل حرب سیز و توقنه شووسیز یشه مه گن.

اروپانینگ اینگ اوزاق توقنه شووسیز جریانی 1945 دن بوگونچه دیر. بونینگ سببی اروپا تشقریسیده گی کوچلرنینگ اره لشگنی و او یراتگن سیاسی نتیجه دیر.

عین دمده تکنالوژی نینگ ترقی قیلیب باریشی اروپانینگ برچه تامانی نینگ بمباردمان نتیجه سیده ییر بیلن یکسان بولیب اقتصادی نینگ قوییگه باریب سقوط قیلیشی هم بیر سبب دیر.

بوگون "تاریخی شهر" اوله راق کوریلگن اروپا نینگ برچه شهرلری ییر بیلن یکسان بولگن ایدی. انسانلیک مشترک ارشی تاریخی اثر خاصیتی گه ایگه بنالر منطقه لر هوا و زمینی عملیاتلر نتیجه سیده ییر بیلن یکسان بولدی. اروپا 1945 ییلیدن 1970 – ییلی گچه قیته دن قوریش و یاره لرینی مرحم قیلیش جریانی یشه دی. در حقیقت 60 ییللرنینگ سونگی ییللریده گی تروریزم مفکوره سیده گی یاش – ییگیت حرکت لری بو هواگه کیریش نینگ نتیجه لری ایدی. اروپاده ترور اولکه باش وزیرلرینی قاچیریب اولدیریش سویه سیگچه ییتیب باردی. ایتالیا باش وزیری الدو مورونی قیزیل توگایلر آتیده گی چپگرا ترور تشکیلاتی آلیب قاچیب اولدیرگن ایدی. آرتیدن تقریباً 10 ییل کیین، یینه بیر اروپا ترور تشکیلاتی بولگن پی کاکا، سویدن باش وزیری الوف پالمه نی قتل قیلدی. اروپا ترور ترماغینی اوزی تامانگه اورلگنینی کوریشی بیلن آنیدن برچه ترور تشکیلاتلری برطرف ایتیلدی. مثال اوچون آلمانلرنینگ بادر – ماینهوف گروهی نینگ برچه اداره چیلری نینگ همه سی نینگ بیر کیچه ده قماقخانه ده انتحار ایتگنینی اعلان قیلدی. غرب نینگ ایچیده جایلشگن تروریزم متاسفانه آنیدن اورته شرق و آسیاگه ییره ییب کیتدی. اروپا، ییل لب بویی دوام ایتگن تروریزم گه قرشی مثبت یانداشوونینگ جریمه سیگه متقبل بولیش گه باشله یدی. بوگون، مسلمان، مهاجر و خارجی ایشچی مخالف لیگی بیر آدیم کیین مذهبی و میکرو ملیتچیلیک توقنه شوویگه ایلنه دی. مسلمان، مهاجر و خارجی ایشچیلر اوز اولکه لریگه قیتیب کیتگنده، اروپاده تولیب کیتگن بو عرقچی لیک گازی قنداغ بولیب خالی بوله دی؟

عرقچیلیک کسل لیگی، مقابلیده گی بولمه ی یشه مه یدی. انسان لیک دشمنی بو کسل لیک اوز ضدینی قیسقه مکدت جریانیده یراته دی. منه هسپانیا. کتلونلر مرکزی حکومتدن جدا بولماقچی. برسیلونا مرکزیتی لی کتلون ملیت چیلیگی شو وقت هسپانیانی کیمیریب آلگن. لیکن خودی شو ملیت چیلیک کتلونلرنی هم اوروب یوباره دی. بوگون اوزلریگه پایتخت دیب اته گن برسیلونا نه کتلونلر نه هم هسپانیالیک لرگه باغلیغ توپراق دیر. برسیلوناگه بارمه گنلر اوچون ایته من: برسیلونانی مشهور قیلگن اثرلر ایسکی اراگونلرگه عاید دیر. کتلونلر هسپانیادن ایریلگندیک باشلری ارگونلر تامانیدن بلاگه قاله دی.

هسپانیاده اینگیزیسوندن باشلب مسلمان و یهود قیرغینی گه قول اورگنلرنینگ ارگونلر بولگنینی ایسلتیب، کتلونلرنینگ قنداغ بیر مسئله بیلن دوچ کیلرلیگینی دقتینگیزگه حواله قیله من.

آلمان، بلجیم، ایتالیا، فرانسه، اسکاندی یف اولکه لرده اوج آلگن بو ملیت چیلیک، هسته سیکین میکرو ملیت چیلیک که قره ب بارماقده. آلمانلرنینگ اینگ بای و اینگ بویوک ولایتی بولگن بایویرا ایالتلی باش کوتردی. ایتالیانینگ شمال تامانی هم او یولده دیر. سویدن 21 ایالتدن عبارت. بولر بیراویگه تیشلرینی قیره ب تورگن.

فرانسه نینگ کوریسکا و ایریم منطقه لریده قیین چیلیکلر موجود و منطقوی ملیت چیلیک بو آق دینگز اولکه سینی هم متاسفانه ایگیریب آلگن.

ییللردن بیری اقتصادی قیین چیلیک بیلن دوچ کیلگن یونان هم اتنیک ملیت چیلیک تهدیدی موجود.

برچه بو میکرو ملیت چیلیک آقیملر گه قرشی اوتکن هفته تورکیه جمهوریتی جمهور رئیسی حرمتلی رجب طیب ایردوغان، صربیا جمهور رئیسی نین دعوتی گه بناً بو اولکه گه باردی. صرب لر بیلن تورکلرنینگ بیر- بیری اورته سیده گی  تاریخی رقابتی و بویوک یاره لرینی بیلمه گن یوق. یوگوسلاویا پارچه لنگنده تورکلر بیلن کوپ یقین قرینداش بولگن بوشناقلرگه قره ته عملگه آشیریلگن نسل قیرغینی، کوزوا حربی نینگ دردلری تورک تبعه لری نینگ کونگلیده چقور یاره لر قالدیردیردی.

لیکن تورک رهبر ایردوغان، بو یاییلگن میکرو ملیت چیلیک دالغه سیگه قرشی سیاسی، تجاری و دیپلوماتیک مناسبتلرنی توسعه بیرماقده. اروپاده مرکزی بولگن دنیاگه یاییلگن تهدیدنی کورگن ایریم بیر رهبر ایسه صربلرنینگ رهبری الکسندر فوجیچ دیر. فوجیج اولکه سیگه دعوت قیلگن ایردوغان نینگ برچه سفرلریگه همراه لیک قیلدی و دنیانینگ 16 – عصرده قالمه گنینی ایتیب، تورک و صرب اتفاقی نینگ ضرورلیگینی اورغوله دی.

ایککی رهبرنینگ بو یقین لیگی اروپاده یاییلیب بارگن عرق چیلیک دالغه سیگه بیر جواب بیر دیوار دیر. تناونگچه بیر- بیریگه قرشی ساووق تورگن ایککی اولکه بوگون اقتصادی و سیاسی اوله راق متفق بولالسه لر بو اروپا اوچون بیر امید بولیشی کیره ک.

بوگون اروپا پارلمانی و کمسیونی، عرقچی و نازیستلر موجودیتینی کورستیب تورگن ایککی اداره. اروپالیک سیاسیلرنینگ مرکل و کروز کبی عرقچی شعارلرگه مراجعه قیلیشلری، بو ایککی موسسه نی عرقچیلرنینگ نازیلرنینگ حاکمیتی گه کیریته دی.