UEFA بیلله شوولری کیلگوسی فوتبال فصلیدن باشلب تورکیه رادیو تلویزیون ترماقلری آرقه لی یایینلنه دی

تورکیه رادیو تلویزیون باشقرمه سی (ت رت) کیلگوسی فوتبال فصلیدن باشلب 3 ییل بویلب UEFA قهرمانلرلیگی، UEFA اروپا لیگی و UEFA کنفرانس لیگی بیلله شوولری نینگ یایین حقلرینی قولگه کیریتیب آلدی.

ت رت باشقرووی تامانیدن بیریلگن بیاناتده، تورکیه فوتبال تیملری نینگ اوچره شوولری نینگ آچیق روشده ت رت1 و ت رت سپورت دن یایینلنیشیدن خبر بیریلدی. بوندن آرتیق اوچره شوولرنینگ ایسه ت رت نینگ دیجتال پلاتفورمی (tabii) آرقه لی تماشا قیلیش ممکن ایکن لیگی بیلدیریلدی.

تورکیه رادیو تلویزیون باشقرمه سی (ت رت) نینگ تاریخیده ایلک مرته UEFA قهرمانلرلیگی، UEFA اروپا لیگی و UEFA کنفرانس لیگی بیلله شوولری نینگ یایین حقلرینی قولگه کیریتیب آلگن لیگی معلوم قیلیندی.

بیاناتده، "ت رت ییتکیرمه سی تجربه لی پرسونلی بیلن تکنالوژی نینگ سونگگی امکانیتلریدن ایش آلیب فوتبال تماشاچیلریگه اونوتیلمس بیر نشرات باسقیچی تقدیم ایته دی." دییلدی.

ت رت باشلیغی محمد زاهد سوباجی هم بو ینگیلیک طفیلی خرسندچیلیکلرینی تیلگه آلیب تورکیه رادیو تلویزیون باشقرمه سی (ت رت) کیلگوسی فوتبال فصلیدن باشلب 3 ییل گچه UEFA قهرمانلرلیگی، UEFA اروپا لیگی و UEFA کنفرانس لیگی بیلله شوولری نینگ یایین حقلرینی قولگه کیریتیب آلدی. ت رت تاریخیده ایلک نی یشتگن و یشه گنیمیز اوچون ممنونمیز." دیدی.

فوتبال تماشاچیلری ایندی اوزلری خواهله گن پیتده و خواهله گن جایده UEFA قهرمانلرلیگی، UEFA اروپا لیگی و UEFA کنفرانس لیگی بیلله شوولرینی تعقیب ایتیش امکانیتی گه ایگه بولدی. بو بیر بیریدن حیجانلی بیلله شوولرنی فقط تلویزیون آرقه لی ایمس عیندمده ت رت1 و ت رت سپورت قاله ویرسه دیجتال پلاتفورم tabii آرقه لی تیلفون، کمپیوتر، عقللی تلویزیونلردن شونده ی بولیب www.tabii.com  ویب سایتیدن هم تعقیب ایتیش ممکن بوله دی.