تورکیه ملی تیرمه فوتبال جماعه سی اروپاده یوتوق قازاندی

UEFA EURO 2024 بیلله شوولریگه قتنشیش گه موفق بولگن تورکیه ملی تیرمه فوتبال جماعه سی ولز بیلن 1-1 برابرگه قالیب سره لش گروپینی بیرینچی اورینده تمامله دی.

ولزده جایلشگن کردیف سیتی استدیومیده بولیب اوتگن اوچره شوونی سلوانیا فوتبال فدراسیونی حکملریدن ماتی یوگ آلیب باردی.

اوچره شوو 1-1 برابرلیک بیلن اوز نهایه سیگه ییتیب باردی.

ولزنینگ گولینی 7 – دقیقه ده نیکو ویلیمس اوردی، تورکیه نینگ گولینی ایسه 70 – دقیقه ده یوسف یازیجی اوردی.

گروپده گی ایریم اوچره شووده کرواسیا بیلن ارمنستان اوچره شدی و کرواسیا اوز رقیبی گه قرشی 1-0 بیلن غلبه قازاندی.

اوشبو نتیجه لرنینگ آرتیدن تورکیه ملی تیرمه جماعه سی 17 نمره بیلن گروپده بیرینچی کرواسیا 16 نمره بیلن ایککینچی بولیب EURO 2024 بیلله شوولریگه قتنشیش گه موفق بولدی.

گروپده اوچونچی بولگن ولز ایسه پلای آف اوچره شووی اوتکزه دی.