UEFA اروپا قهرمانلر لیگیده بایرن مونیخ بیلن گالاته سرای اوچره شه دی

گالاته سرای UEFA اروپا قهرمانلر لیگیده اوچره شوو اوتکزه دی.

گالاته سرای A گروپده آلمان نینگ بایرن مونیخ، انگلستان نینگ منچسر یونایتید و دنمارک نینگ کوپنهاگ جماعه لری بیلن بیر گروپده اورین آلماقده.

گالاته سرای بوگون کیچقرون آلمان نینگ بایرن مونیخ جماعه سی بیلن اوچره شه دی.

اوچره شوو آلمان نینگ مونیخ شهریده جایلشگن آلیانز استدیومیده تورکیه وقتی بیلن ساعت 23:00 ده افغانستان وقتی بیلن ساعت 24:30 ده باشلنه دی.

اوچره شوونی پورتگال فوتبال فدراسیونی حکملریدن انتونیئو ایمانوئیل کاروالهو نوبره آلیب باره دی.

گالاته سرای اوز طرفداری نینگ قاشیده اوز رقیبی گه 3-1 بیلن اوتیلگندی.

گروپده گی ایریم اوچره شوو منچستر یونایتید بیلن کوپنهاگ اورته سیده بولیب اوته دی.

گالاته سرای بوندن آلدینگی اوچره شوولرده کوپنهاگ بیلن 2-2 برابر قالرکن منچستر یونایتدگه قرشی 3-2  غلبه قازانگندی.

بایرن مونیخ ایسه کوپنهاگ، گالاته سرای و منچستر یونایتیدگه قرشی غلبه قازانگندی.

شونده ی بولیب بایرن مونیخ 9 نمره بیلن بیرینچی گالاته سرای 4 نمره بیلن ایککینچی، منچستر یونایتد ایسه 3 نمره بیلن اوچینچی و کوپنهاگ 1 نمره بیلن تورتینچی اورینده.