گالاته سرای بیلن بایرن مونیخ اوزارا اوچره شوو اوتکزه دی

گالاته سرای اروپا قهرمانلر لیگیده اوچره شوو اوتکزه دی.

گالاته سرای A گروپده آلمان نینگ بایرن مونیخ، انگلستان نینگ منچسر یونایتید و دنمارک نینگ کوپنهاگ جماعه لری بیلن بیر گروپده اورین آلماقده.

گالاته سرای بوگون کیچقرون آلمان نینگ بایرن مونیخ جماعه سی بیلن اوچره شه دی.

استانبول ده جایلشگن رامس پارک استدیومیده گی اوچره شوو تورکیه وقتی بیلن ساعت 19:45 ده افغانستان وقتی بیلن ساعت 21:15 ده باشلنه دی.

اوچره شوونی ایتالیا فوتبال فدراسیونی حکملریدن داوید مسّا آلیب باره دی.

گالاته سرای اوز طرفداری نینگ قاشیده 3 نمره آلیش نی مقصد قیلیب آلگن وضعیتده.

گروپده گی ایریم اوچره شوو منچستر یونایتید بیلن کوپنهاگ اورته سیده بولیب اوته دی.

گالاته سرای بوندن آلدینگی اوچره شوولرده کوپنهاگ بیلن 2-2 برابر قالرکن منچستر یونایتدگه قرشی 3-2  غلبه قازانگندی.

بایرن مونیخ ایسه کوپنهاگ و منچستر یونایتیدگه قرشی غلبه قازانگندی.

شونده ی بولیب بایرن مونیخ 6 نمره بیلن بیرینچی گالاته سرای 4 نمره بیلن ایککینچی کوپنهاگ 1 نمره بیلن اوچونچی منچستر یونایتد ایسه 0 نمره بیلن تورتینچی وضعیتده.