گالاته سرای جماعه سی منچستر یونایتیدگه قرشی غلبه قازاندی

گالاته سرای UEFA قهرمانلر لیگی A گروپ ایککینچی هفته بیلله شوویده توناون کونی کیچقرون انگلستان نینگ منچستر یونایتید جماعه سی بیلن اوچره شدی.

انگلستان نینگ منچستر شهریده جایلشگن اولد ترافورد استدیومیده بولیب اوتگن اوچره شووده گالاته سرای 3-2 بیلن غلبه قازاندی.

گالاته سرای نینگ گوللرینی زاها، کرم آقتورک اوغلی و مارو ایکاردی اوردی.

گالاته سرای ایککی مرته مغلوب وضعیت گه توشگن حالده اوز رقیبی گه قرشی غلبه قازانیشی برچه دنیاگه انعکاس قیلدی.

منچستر یونایتیدده برازیللیک فوتبالچی کاسیمیرو 77 – دقیقه ده دیریس مرتنس نی ییقتیب پینالتی قیلدی و قیزیل کارت کوریب اوییندن چیقدی.

اوشبو پینالتیدن ایکاردی فایده لنالمه دی توپ نی تشقریگه قره ب اوردی.  

ایکاردی کیین اوزی گول اوروب مسابقه نی 3-2 گه کیلتیردی و شو بیلن گالاته سرای غلبه قازاندی.