آرژانتین - کرواسیا ملی تیرمه فوتبال جماعه لری اوچره شووی بولیب اوته دی

2022 فیفا جهان کپ بیلله شوولری یریم فاینل باسقیچیده لیونل مسی نینگ ملی تیرمه جماعه سی آرژانتین بیلن مودریچ نینگ ملی تیرمه جماعه سی کرواسیا اوچره شه دی.

قطرنینگ پایتختی دوحه ده جایلشگن لوسیل استدیومیده بوگون کیچقرون تورکیه وقتی بیلن ساعت 22:00 ده افغانستان وقتی بیلن ساعت 23:30 ده اجرا ایتیله دی.

خوددی اوچره شوونی ایتالیالیک حکم دانیئیلی اورساتو آلیب باره دی.

بو قیزیق اوچره شوو TRT 1, TRT 4K, TRT İZLE ve trtspor.com.tr آرقه لی نشر قیلینه دی.

بو اوچره شووده غلبه قازانگن جماعه مراکش – فرانسه اورته سیده گی اوچره شووده غلبه قازانگن جماعه بیلن فاینلده اوچره شه دی.

ایککی جماعه بوگونگچه 3- مرته بیر بیری بیلن اوچره شه دی.

1994 ییلی جهان کپ اوچره شوویده آرژانتین اوز رقیبی کرواسیانی 1-0 بیلن مغلوبیت گه اوچره تر ایکن 2018 ییلی کرواسیا 3-0 بیلن قازانگندی.