تورکیه - لیتونیا بیلله شووی برابرلیک بیلن یکونلندی

تورکیه ملی تیرمه فوتبال جماعه سی 2022 دنیا کپ اروپا سره لش جی گروپ بیلله شوویده لیتونیا بیلن 3-3 برابر گه قالدی.

استانبول اتاتورک استدیومیده بولیب اوتگن جی گروپ 3- بیلله شووده تورکیه نینگ گوللرینی 2- دقیقه ده کینان قرمان، 33- دقیقه ده خاقان چالخان اوغلی و 52 – دقیقه ده براق ییلمز پینالتیدن اوردی.

لیتونیانینگ گوللرینی ایسه 35- دقیقه ده سوالنائیکس، 58- دقیقه ده اولدیریکیش و 79- دقیقه ده ایسه ایکوناکیس اوردی.

اوچره شوونی تورکیه جمهور باشلیغی رجب طیب ایردوغان هم استدیومده تماشا قیلدی.

بیرینچی اوچره شووده هالندنی ایککینچی اوچره شووده ناروی نی مغلوبیت گه اوچره تگن تورکیه بو برابرلیک بیلن نمره سینی 7 گه کوتریب بیرینچی اوریننی ایگلله دی.

تورکیه بویوک ملت مجلس باشلیغی مصطفی شنتوپ تویتر ارقه لی پیام ترقه تدی:

"بوکونی کیچه دنیا کپ بیلله شوویده کیچیک بیر توختش یوز بیردی. ملی تیرمه جماعه میزگه یخشی اویین 7 نمره 10 گول اوچون منتدارچیلیک بیلدیره میز" دیب ایتدی.

جمهور باشلیغی اورینباسری فواد اوکتای هم 2022 فیفا دنیا کپ اروپا سره لش جی گروپ 3- اوچره شوویده مهمان قیلگن لیتونیا بیلن 3-3 برابرگه قالگن ملی تیرمه جماعه نی قوتله دی.

اوکتای اجتماعی ترماق آرقه لی "بو نتیجه نظر مینچاغی بولسین. نتیجه نیمه هم بولسه هردایم بیز باله لر بیلن میز" دیب ایتدی