تورکیه - آیسلند بیلله شووی TR1 تلویزیون ترماغیدن جانلی روشده یایینلنه دی

تورکیه ملی فوتبال جماعه سی نینگ 2020 اروپا فوتبال بیلله شوولری (EURO 2020) ده گی H گروپ ده گی 9 - بیلله شوویده بوگون آیسلند بیلن اوچره شه دی.

تورکیه ملی جماعه سی EURO 2020 گه قتنه شیش نی بو مسابقه بیلن انیقلشتیرماقچی.

بو مسابقه 14 – نوامبر بوگون کیچقرون تورکیه وقتی بیلن ساعت 20:00 ده افغانستان وقتی بیلن ساعت 21:30 ده استانبولده جایلشگن گالاته سرای نینگ تورک تیلیکوم استدیومیده بولیب اوته دی و TR1 دن جانلی روشده یایینلنه دی.  

بیلله شوو آلدی مطبوعاتی کنفرانس اویوشتیرگن تورکیه ملی جماعه سی مربیسی شینول گونش، اروپا کپ گه قتنه شیش نی بو مسابقه بیلن انیقلشتیرماقچی ایکنلیکلرینی ایتدی.

"پروسه گه بو جابده باشله گندیک ینه بو جایده اداغگه ییتکیزه میز" دیب ایتگن شینول گونش "2020 اروپا بیلله شوولری اوچون جوده یخشی باشله دیک، اداغی گه ییتیب کیلدیک. ایندی یخشی نتیجه آلماقچی میز. فرانسه گروپ نینگ بقیرینچی اورینده تورگن جماعه سی ایدی. آیسلند بیلن رقابت قیلیشیمیز انیق ایدی. شو وقت فرصت بیزنینگ قولیمیزده لیکن هیچ نرسه نینگ گرانتیسی یوق. فرانسه دن 4 نمره آلدیک بیراق آیسلنددن نمره آلالمه دیک. ایرته نمره ویا نمره لر آلگنده کیتیشیمیز انیقلنه دی" دیب ایتدی.

آیسلند مربیسی ایریک همرین اویوشتیرگن مطبوعاتی کنفرانسیده قازانیش گه مجبور بولگن بیر اوچره شووگه چیقه جکلرینی افاده ایتدی.

"قیزیق و قیین بیر بیلله شوو بوله دی. اوتماقچی میز. تورکیه چیتلنتیریش گروپیده جوده اونیملی نتیجه لر قولگه کیریتدی. قیین بوله دی بیراق سینه یمیز، اوتیش گه مجبورمیز" دیب ایتدی.