مولدووا – تورکیه ملی تیرمه جماعه لری نینگ بیلله شووی بولیب اوته دی

تورکیه ملی تیرمه جماعه سی، 2020 اروپا فوتبال بیلله شوولری چیتلنتیریش مسابقه لری دایره سیده ایرته گه مولدوواگه مهمان بولیب اوچره شه دی.

تورکیه ملی تیرمه جماعه سی H بیلله شوولریده گی 5 مسابقه ده فقط بیر مرته مغلوبیت گه اوچره دی 4 مرته غلبه قازاندی.

مولدووا ایسه 5 مسابقه دن فقط بیر مرته غلبه قازاندی 4 مرته مغلوبیت گه اوچره دی.

گروپ نینگ بیرینچی مسابقه سی تورکیه نینگ ایسکی شهر ولایتیده بولیب اوتر ایکن تورکیه 4-0 لیک نتیجه بیلن غلبه قازانگن ایدی.

مولدووا – تورکیه اورته سیده گی بیلله شوونینگ حکم لیگینی ایتالیا فوتبال فدراسیونی حکم لریدن داوید مسّا و یاردمچیلری آلیب باره دی.

مسابقه ایرته گه تورکیه وقتی بیلن ساعت 21:45 افغانستان وقتی بیلن 23:15 ده اجرا ایتیله دی و TRT 1 تلویزیون کانالیدن جانلی روشده یایینلنه دی.